May special na shoutout ang Spanish actor na si Enrique Arce sa Pinoy fans ng Netflix series na kinabibilangan niya, ang Money Heist.
Ginagampanan ni Enrique ang role na Arturito sa hit Spanish heist crime drama series.
Nagsimula ang series na ito sa isang planadong pagnanakaw sa Royal Mint of Spain.
Mula roon ay nakaapat na seasons na ang show na nag-shoot sa iba't ibang lugar ng mga bansang Spain, Panama, Thailand, at Italy.
Unang ipinalabas sa Spain ang Money Heist—o La Casa De Papel, sa orihinal na Spanish title nito—nung 2017.
Na-acquire ng Netflix ang global streaming rights nito nung taon ding iyon at naging instant hit worldwide hanggang ngayong taong 2020.
Sa kanyang video message, nagpasalamat si Enrique sa pagtangkilik ng mga Pilipino sa kanilang show.
"This message is especially dedicated to the people of the Philippines.
"I really wanna commend you for loving the show so much. I know we've become number one over there.
"It's so fascinating to know that this show has traveled so far and so well."
Bago matapos ang kanyang mensahe sa mga Pinoy, in-attempt pa ni Enrique na batiin ang kanilang fans sa Pilipinas sa wikang Filipino.
"In my name and in the name of all my colleagues, sa 'ming mabubuting kaibigan sa Philippines, maraming salamat. We love you."
Nagpalitan pa ng comments ang Kapuso actress na si Lovi Poe at Enrique sa shoutout na ito.
