Halos isang buwan nang nakakulong sa loob ng bahay ang mga tiga-Luzon.
Kung anu-ano tuloy ang mga pinagkakalibangan at pinagkaka-abalahan ng ating mga kababayan.
Isa sa paboritong libangan ng marami, partikular na ng mga celebrities, ay ang pagpu-post ng TikTok videos.
Kabilang na rito ang aktres na si KC Concepcion.
Lunes ng gabi, April 13, nag-upload muli si KC ng isang TikTok video sa kanyang Instagram account.
Makikita rito na nagsasayaw si KC sa saliw ng kantang “Mamacita” ng The Black Eyed Peas, na featured artists sina Ozuna at J. Rey Soul.
Sa caption, ti-nag ni KC si J. Rey Soul.
Mensahe ni KC: “@jreysoul u owe me one bb.”
KC TIKTOK VIDEO INSPIRES NETIZENS AROUND THE GLOBE
Maraming netizens mula sa iba't ibang panig ng mundo ang nagkomento.
Ayon sa kanila, nalibang sila kahit sandali dahil sa TikTok video ni KC.
Nag-iwan naman ng mensahe para sa kanila ang anak nina Sharon Cuneta at Gabby Concepcion.
Narito ang ilan pang positibong komento na sinagot ni KC.
Isang netizen naman ang nagkomentong “parang tanga” raw si KC sa TikTok video niya.
Pero naaliw pa rin daw ang netizen sa "pagkakalog" ng dalaga.
Sagot ni KC: "hahahahaha diba happy happy lang masyado nakakadown ang news”
“NO HIPS, NO CURVE”
Pero may isang netizen na nilait ang pigura ni KC.
Sabi nito: “She has no hips at all. Her body is like straight up & down. No curve.”
Hindi naman napikon si KC.
Ang cool na sagot niya: "lol u sound so affected, I’m so sorry my hips disappointed u”
Ipinagtanggol naman si KC ng isa niyang follower.
Sabi nito: “Whats wrong if she want to dance ? And besides thats tiktok ganun tlaga wag kyo nega”
Natatawang pagsang-ayon ni KC: "hahaha hindi nila gets"
Noong April 10, na-bash naman si KC dahil sa pagbahagi niya ng simpleng recipe ng kanyang pasta dish.