Inusisa ni Matteo Guidicelli, 30, ang kaibigang si Nico Bolzico, 36, tungkol sa buhay may-asawa.
Ibinato ni Matteo ang kanyang mga tanong kay Nico sa isang Facebook live na pinasimunuan ng Kapamilya actor noong Linggo, March 29.
Ang naturang online live chat ni Matteo ay bahagi ng fundraising program na kabahagi siya, para matulungan ang mga naapektuhan ng COVID-19.
Maraming celebrities ang nag-guest sa live chat at isa na rito si Nico, ang Argentinean businessman husband ng aktres na si Solenn Heussaff, 34.
Naging guest din ni Matteo sina Martin Nievera, Jaya, Liza Soberano, Senator Manny Pacquiao, Kean Cipriano, at Christian Bautista.
MATTEO ASKS NICO ABOUT FATHERHOOD
Inusisa ni Matteo ang asawa ni Solenn tungkol sa buhay may-asawa.
Higit isang buwan pa lamang ang nakalilipas nang mangyari ang pinag-usapang kasal nina Matteo at Sarah Geronimo, 31.
February 20, 2020 nang maganap ang secret wedding nina Sarah at Matteo sa Shangri-la at the Fort, Bonifacio Global City, Taguig.
Ikinasal naman sina Solenn at Nico noong May 2016, dalawang taon matapos nilang ma-engage noong 2014.
Nitong January 1, 2020, ipinanganak ni Solenn ang baby girl nilang si Thylane Katana.
Bagamat tatlong buwan pa lamang ang anak ni Nico, inusisa na siya ni Matteo kung ano ang kanyang strategy para maging mabuting ama.
Tanong ni Matteo kay Nico: “What is your strategy to be a really amazing father?"
Dagdag nito: “You have to teach me.”
Hirit ni Nico: “Yeah, I’m pretty good at it.
“I think two things: you let them be, you give them freedom to do whatever they love, whatever their passion is.
“Just don’t let any boy get close," paalala ni Nico.
“That’s the only thing.
“No boys around and the rest... whatever, they can do.”
Sa madaling sabi, magiging strikto si Nico sa mga lalaking aaligid sa anak paglaki nito.
Matapos sagutin ang tanong ni Matteo, inintriga ni Nico ang kaibigan.
“Are you planning to have a kid, Matteo?” usisa ng Argentinean model-businessman.
Seryosong sagot ni Matteo. “No, I don’t know…
“But whatever God gives us something, it would be amazing.
“But as of now, we have to enjoy each other because it’s the first time that we’re actually together, after six years.
"So we’re just enjoying.”
Pero hindi binitawan ni Nico ang topic.
“Are you telling us Sarah is pregnant?
“No. Hahahaha! No. No. Crazy. Crazy. No, no, no!” sagot ng natatawang si Matteo.
MATTEO SAYS HE IS A BULLIED HUSBAND
Binago ni Matteo ang paksa at tinanong si Nico kung paano magkaroon ng maayos na pagsasama ang mag-asawa.
Pakiramdam daw ni Matteo ay nabu-bully siya ni Sarah.
Nagparamdam din si Matteo na interesado siyang sumali sa Bullied Husbands Club na binuo ni Nico.
Ang club ay ang katuwaang grupo na ginawa ni Nico para raw sa husbands na binu-bully ng kanilang wives.
Kabilang sa mga recruit ni Nico ay sina Erwan Heussaff (asawa ni Anne Curtis), Adrien Semblat (asawa ni Isabelle Daza), Arthur Burnand (asawa ni Georgina Wilson), at Dingdong Dantes (asawa ni Marian Rivera).
Pakiusap ni Matteo kay Nico: “Teach me.
“I feel like sometimes the wife always knows more… like this bully husband thing, I think I’m part of this club already, because I kind of getting bullied," anang aktor.
“So what’s the strategy here?”
Payo ni Nico sa kaibigan, “Just very, very simple: just do whatever your wife tells you to do.
“You cannot go wrong with that.”
Pagsang-ayon ni Matteo: “Happy wife, happy life.”
Natanong din si Matteo tungkol sa pagsasama nila ni Sarah matapos nilang ikasal noong Pebrero.
“It’s a dream," sagot ng ABS-CBN actor.
“Every single day, when I wake up it’s like a dream.
“I tell Sarah, ‘Wow, can you believe?'
"I guess it’s just one month we’re married but every single day feels like a blessing. Feels like a dream.
"It’s the best.”
Nagawa ring magbiro ni Matteo tungkol sa ipinapatupad na enhanced community quarantine sa bansa.
“Me, it’s an extended honeymoon for me, I guess. Hahaha!”