Nagpatawad na, pero hindi pa rin nakakalimot.
Ito ang mensahe ni Alex Diaz sa mga nagsasabing nauwi sa kaayusan ang sigalot na namagitan sa kanila ng fitness coach na si Miguel Lagman Chanco nang personal silang magkita at magkausap.
Binigyang linaw ito ni Alex bilang tugon niya sa isang gossip blogsite na nagsabing “all is well” sa pagitan nila ni Miguel matapos ang kinasangkutan nilang “indecent proposal” controversy noong 2019.
Ayon pa kay Alex, pareho silang natuto sa mga pangyayari.
“All is forgiven but not forgotten, lessons were learned on both ends but cancelling people permanently isn’t something i can stomach at this point.”
Sinabi rin ng actor-TV host na hindi siya kinu-coach ngayon ni Chanco.
Una na itong nilinaw ng fitness coach sa post niya noong February 26 na bagong “gym buddies” lamang sila ni Alex.
October 2019 nang isiniwalat ni Miguel sa Facebook na pinadalhan umano siya ni Alex ng direct message (DM) sa Instagram tungkol sa indecent proposal.
Pinalagan naman ng fitness coach ang mensaheng ito ni Alex at sinabihan ang aktor na baka sampalin pa niya ito ng pera.
Kalaunan, umamin si Alex na bisexual siya.