Nagsimula na si Bela Padilla na mag-shoot para sa ang kanyang movie with South Korean actor Kim Gun-Woo.
Titled Ultimate Oppa, ang pelikula na ito ay sa ilalim ng direksiyon ni Jade Castro.
Three weeks nga raw magsu-shoot ng kanyang mga eksena sa South Korea si Bela kasama ang leading man niyang si Kim Gun-Woo.
Kinumpirma ng agency ni Kim na Good People Entertainment last February 15 ang paggawa ng 28-year old actor ng pelikula with Bela.
Joint project ang Ultimate Oppa ng Viva Entertainment at Reality Entertainment, ayon sa Korean entertainment website na Soompi.
Hwang In Roo, who directed the dramas Princess Hours, The Return of Iljimae, at Playful Kiss, ang siyang magpo-produce ng project.
Ang Ultimate Oppa ay tungkol sa relasyon ng isang Korean celebrity manager named Jay at ang die-hard Filipino fan na si Yana.
Kukunan ang maraming eksena ng movie sa South Korea at sa Pilipinas.
Sumikat si Kim Gun-Woo sa 2017 Korean drama na Fight My Way.
Nagbida rin siya sa iba pang Korean dramas tulad ng Live, Less Than Evil, at Catch the Ghost.
Huling napanood si Bela sa pelikulang On Vodka, Beers and Regrets at sa Philippine version ng 2013 South Korean film na Miracle in Cell No. 7.