Muling nagpabatid ng kanyang pagtatangi kay Coco Martin ang aktres na si Julia Montes sa pamamagitan ng pag-promote ng upcoming movie ng aktor, ang 3Pol Trobol: Huli Ka Balbon.
Ang nasabing pelikula ng ABS-CBN Primetime King ay entry sa 45th Metro Manila Film Festival (MMFF).
Kahapon, December 19, dalawang magkasunod na posts sa Instagram ang ibinahagi ni Julia sa kanyang followers.
Una rito ay ang poster ng pelikula ni Coco kasama ang co-stars nitong sina Ai-Ai delas Alas at Jennylyn Mercado.
Nakalagay sa kanyang caption ang Christmas tree emoji.
Pangalawa naman ay ang video endorsement ng isa sa cast members ng pelikula na si John Prats.
Nakalagay sa caption ng 24-year-old Kapamilya star: “Yeah! Anim na araw na lang mga KA-LAFFABOL! Excited na ang buong tropa para sa INCREDIBOL bondingan ngayong pasko! #3POLTROBOLHULIKABALBON.”
Hindi na sorpresa sa netizens ang mga simpleng pagpaparamdam na ito ni Julia tungkol kay Coco dahil sa hindi pa rin mamatay-matay na isyu tungkol sa kanilang tagong relasyon.
Noong April 1, 2019, lumabas dito sa PEP.ph (Philippine Entertainment Portal) ang balitang isinilang ni Julia ang anak niya kay Coco.
Ayon pa sa report, nanganak si Julia noong huling bahagi ng Marso sa Cardinal Santos Medical Center sa San Juan City.
Ngunit hanggang ngayon, wala pang pagtanggi o pag-amin mula sa magkabilang kampo ukol dito.
Noong November 1, 2019, sa ika-38 kaarawan ng Ang Probinsyano actor, hindi pinalampas ni Julia na batiin ang napababalitang ama ng kanyang naging anak.