Gumawa ng magandang impresyon si Gazini Ganados, ang pambato ng Pilipinas sa nalalapit na Miss Universe 2019, sa ginanap na unveiling ng bagong korona sa Atlanta, Georgia, USA, nitong December 5, Huwebes (Philippine time).
Sa mga lumabas na videos online, mapapansin na si Gazini ay isa sa mga paboritong interbyuhin ng international press.
Sabi nga ng isang foreign reporter, sinusundan si Gazini kahit saan siya magpunta.
Mapapanood din na maraming Filipino press, na nagko-cover ng event, ang in-interview ang Cebuana beauty queen.
GAZINI ON PRESSURE FOR A BACK-TO-BACK QUEEN
Isa sa mga madalas itanong kay Gazini ay ang pressure na makasungkit siya ng back-to-back win para sa Pilipinas.
Ang reigning Miss Universe ay ang Filipino pride na si Catriona Gray, na kinoronahan sa Bangkok, Thailand noong December 17, 2018.
Si Catriona ang ika-apat na Filipina Miss Universe.
Sagot ni Gazini hinggil sa pressure na back-to-back win, ninenerbiyos siya pero excited din.
“That pressure is actually a good thing for me because it pushes me to my goal, and it lifts me up to fight for what I want,” sagot nito sa isang Thai reporter.
“It’s actually a good thing, it’s not such a bad thing.
“I’m nervous, but I’m excited at the same time.”
Ganito rin ang konteksto ng sagot niya sa ipinost na video ng pageanttalk.ph
Hindi raw mawawala ang pressure.
“If you have a goal, I guess you have to have pressure to keep you pushing forward to keep you… to lift you up to the things you want to do,” sagot niya.
Inusisa rin si Gazini kung ginagabayan at tinutulungan ba siya ni Catriona para masungkit ang korona.
Ani Gazini, patas si Catriona sa lahat ng kandidata.
“Well, she’s always been sweet to all of us, and I respect her for that.
“She’s so inspiring and I love her,” safe na sagot ni Gazini.
May isang foreign reporter din ang nagtanong kung mahirap ba para kay Gazini na sundan ang mga yapak ni Catriona.
"Well, Catriona has always been sweet and she has always been inspiring, so I love that she pushes us to have a greater cause."
Isa naman ang nagtanong kung anong payo ang ibinigay sa kanya ni Catriona sa pageant.
"Just to be yourself and do your best in all the things that you do," ani Gazini.
Tanong naman ng isa pa, what makes Gazini unstoppable?
Sagot niya: "What makes me unstoppable is the struggles that I have, the visions that I have in the near future, and the Filipinos who are supporting me all throughout."
Tinanong naman siya ng isang international press kung ano ang reaksyon siya sa mga kritiko niya.
“Everyone has always something to say.
“It’s for you to be who you are and then stand up for that, so when the time arise, and someone tries to criticize you, you know for yourself that you sat whole with your core and values,” ani Gazini.
ON BEING BIRACIAL
Isang Filipino press reporter naman na nagko-cover ng event ang nagtanong kay Gazini kung advantage ba sa kanya ang pagiging biracial.
Si Gazini ay pinalaki ng isang single mother na isang Pilipina.
Palestinian ang kanyang ama na hindi niya nakilala.
Sagot ni Gazini: “It is important for us to know who we really are.
"But what we’re going through in this pageant… because you’re battling with yourself every day, you will have doubts, you will have [questions] if you’re not enough.
"But then again, you still have to have that affirmations to yourself that you can do this."
Ang 68th edition ng Miss Universe grand coronation night ay gaganapin sa Tyler Perry Studios, Atlanta, sa darating na Lunes, December 9, (Philippine time).