Pormal nang inanunsiyo ng dalawang higanteng kumpanya sa larangan ng technology at entertainment ang pagsasanib-puwersa nila upang ilunsad ang kanuna-unahang 24-hour comedy channel sa Pilipinas.
Sa pamamagitan ng isang intimate presscon kahapon, November 27, nilagdaan nina Cignal TV at TV5 President Jane Basas at APT Entertainment CEO Michael “Mike” Tuviera ang limang taong kasunduan tungkol sa nalalapit na pagpapasinaya ng BuKo (Buhay Komedya) channel.
Ginanap sa Edsa Shangri-La Hotel ang contract signing kasama ang ilan pang executives ng nasabing mga kumpanya.
Kuwento pa ni Basas, “It was actually Cignal TV that reached out to APT Entertainment mga two to two and a half years ago when we started our ambition to improve our content production.
“When we scouted for our potential partner, kasi bagito po kami, bagito po kami sa entertainment industry, actually lalabas yung pangalang APT.
“But the active conversation with this group of people only started a year ago.
“And it’s a partnership that I’m very proud.
“Napakadali po because they are very grounded, we have our shared ambition kung ano ang gusto naming ilabas sa merkado.
“So I’m hoping that at least by the second quarter of 2020, we have launched what we have now called BuKo Channel.
“Ang plano po namin is to put up 24/7 channel with APT Entertainment."
Dagdag naman ni Tuviera, “When Cignal approached us, sabi namin, 'By all means,' kasi I think the starting point of any great collaboration is a shared dream.
“So they wanted something like this and we always wanted something like this, so sabi ko, ‘Ay 'pag nagtugma na 'yan.’
“In the words of my father [Antonio Tuviera], ‘'Pag sabay tayong nananaginip, that dream comes true.’
“For us, it’s all about finding the right people to partner with.
“It’s gonna be the first original, entertainment channel focusing on comedy.
“And I think this is the beginning of a beautiful friendship, ito pong partnership with Cignal.”
Kung nami-miss niyo ang Iskul Bukol, Wow Mali, LokoMokoU at iba pang Eat Bulaga! segments katulad ng "Little Miss Philippines," "Pinoy Henyo," at marami pang iba, muli niyo na itong mapapanood sa pagbubukas ng BuKo Channel sa 2020.