Isa nang opisyal na Philippine Navy reservist ang Kapuso actor na si Rocco Nacino.
Kaninang umaga, October 26, tinanggap ni Rocco ang kanyang certificate of completion para sa Basic Civilian Military Training.
Kasama niya sa kanyang graduation rites ang inang si Linda, amang si Ralph, at ang girlfriend niyang si Melissa Gohing.
Bukod sa kanyang certificate of completion, nakatanggap din si Rocco ng citation pagkatapos makakuha ng pinakamataas na grado sa Physical Fitness Test.
Saad ni Rocco sa kanyang Instagram post, "Today I was welcomed aboard as a Philippine Navy Reserve. Received the certificate of completion for the Basic Civilian Military Training, and a citation for finishing first for the Physical Fitness Test.
"Ready to work my way up! All of this not to brag, but to be of service by motivating the youth to embrace patriotism and instill discipline while early in their lives. Para sa Bayan, para sa Kinabukasan! #PhilippineNavy #Reserve"
Sa ngayon, abala rin si Rocco sa taping ng Philippine adaptation ng Descendants of the Sun, kung saan gumaganap siyang sundalo.
Nag-post din si Melissa ng litrato nila galing sa graduation.
Sabi ni Melissa sa kanyang Instagram caption, "Enrico Raphael Q. Nacino R.N.,M.A.N., (RES) I’m so proud of you and whatever you do I will be beside you to support you mi amor! @nacinorocco"
Sagot ni Rocco sa comments section, "I love you mi amor!!!"