Tinawanan lang ni Shaina Magdayao ang kumalat na fake news na siya ay pumanaw na.
Kumalat sa social media kahapon, October 25, na umano'y dead on arrival sa ospital si Shaina dahil sa "hypothyroid."
Ginamit pa ng nag-imbento ng balita ang pangalan ng GMA News bilang website na nagbalita nito.
Isang linggo bago kumalat ang fake news, lumabas pa si Shaina sa final episode ng pang-umagang teleseryeng Nang Ngumiti Ang Langit, kung saan kabilang siya sa cast.
Bukod dito, matagal na ring hindi nagpu-post si Shaina sa kanyang Instagram account dahil ang huli pa niyang post ay noong September 14.
Subalit kagabi, nagbalik si Shaina sa Instagram at ipinakita sa kanyang followers na siya ay buhay pa, at nag-post ng set of pictorial photos para sa isang bagong proyekto.
Saad niya sa caption (published as is), "Im baaaccckkk! Or should I say, I’m A L I I I I VE [lauging emoji] and oh so ready for SCORP SEASON and my 30th!!!
"How refreshing to be off socmed for a while. Missed you too, IG world!
"Taken a few days ago for something thats coming out SOON!"
Sa November 6 ay magdiriwang si Shaina ng kanyang 30th birthday.