Muling inirampa ni Alden Richards ang kanyang 'athleisure' wear for a cause. Pero sa gitna ng pagrampa ni Alden, sandali siyang napatigil.
Binati niya muna at bineso ang Kapuso Primetime Queen na si Marian Rivera na isa sa mga nanonood ng kanyang fashion show.
Ang mga damit na inirampa sa fashion show na ito ay mula sa collaboration nina Alden at kilalang fashion designer na si Avel Bacudio.
Ang kikitain mula clothing line nina Alden at Avel ay mapupunta sa kanilang beneficiary na Northern Luzon Association for the Blind.
Malapit pareho sa puso nina Avel at Alden ang asosasyon na ito na nangangalaga sa mga bulag dahil sa muntik nang pagkabulag ng designer na sumailalim ng operasyon matapos magkaroon ng retinal detachment.
Si Alden naman ay gumaganap na bulag sa kanyang latest TV series na The Gift.