Kumpirmado na ang relasyon ni Mark Herras sa baguhang aktres na si Nicole Donesa.
Sa Instagram account ng GMA Network kagabi, August 22, inanunsiyo ritong opisyal nang magkasintahan sina Mark at Nicole.
Nakalagay sa caption sa larawan nila: “#Nabihag: @herrasmarkangeloofficial and actress @nicole_donesa confirm relationship. New couple alert!”
Magkasama ang dalawa sa katatapos lamang na afternoon drama series ng GMA-7 na Bihag.
Natuwa naman dito ang co-stars nila sa teleserye na sina Max Collins, Sophie Albert, Pancho Magno, at DJ Durano.
MARK HERRAS FIGHTS BACK
Sa comments section, may ilang netizens ang negatibo ang naging reaksiyon sa bagong kabanata na ito sa buhay pag-ibig ng Kapuso actor.
Sa lahat ng ito ay malutong na mura ang isinagot ni Mark.
Iang netizen ang inihalintulad si Mark sa Kapamilya stars na sina Luis Manzano at Gerald Anderson na papalit-palit umano ng kasintahan.
Buwelta sa kanya ng Kapuso actor: "ul*l"
Pinalagan din ni Mark ang pagtawag sa kanya na isang netizen ng "Budoy ng gma 7."
Ang Budoy ay ang karaker na pinasikat ni Gerald sa teleserye ng ABS-CBN na may kaparehong titulo.
Tugon ni Mark: “ul*l bulol ako hindi budoy"
Pinatulan din ni Mark ang netizen na nagkomento ng "Mahilig talaga sa chaka si mark."
Buwelta ng Kapuso actor: “ul*l ul*l ul*l”
Mura rin ang isinagot ng aktor sa komentong ito ng isa pang netizen: "Grabe sia ung mga kasabayan nia At ung naging lt nia At gf lumagay n sa tahimik si pa gf gf n lng version ni gerald anderson at Luis M.”
Kasunod nito, deadma na si Mark sa iba pang komento.
Bago naging sila ni Nicole, ang huling nakarelasyon sa showbiz ni Mark ay si Reina Hispanoamericana 2018 Winwyn Marquez. Tumagal ng tatlong taon ang kanilang relasyon.
Nilinaw nilang walang third party sa kanilang hiwalayan.
Si Nicole ay sumali sa Binibining Pilipinas 2013 at sa Miss World Philippines 2014.