Kakai alludes to heartbreak during concert; almost gets wardrobe malfunction

Bongga ang opening number ni Kakai Bautista suot ang kanyang tanga. Pabiro niyang sinabi na “Bukas na ang cabaret” habang kumakanta at sumasayaw sa kanyang opening number.

Binati niya ang kanyang pamilya na nanunuod sa audience at sinabing, “Nasaan ba yung pamilya ko, yung nanay ko baka nagalit na naman kasi naka-panty lang ako ngayon.”

Ipinatong ang paldang itim na iyan kay Kakai para matakpan ang kanyang tangga pero habang kumakanta siya ay nalaglag ang paldang iyan, pero tuloy ang kanyang pagkanta.

Habang nag-costume change si Kakai backstage, hawak niya ang mic habang pabirong sinabi na: “Andito ba si Mario [Maurer]? Nagtilian ang mga tao nang marinig ang pangalan ng Thai heartthrob na naging close friend noon ni Kakai.

"Huwag nga kayong ano dyan…huwag kayong excited, ano ba kayo? Nandun sa Thailand, hindi natin pwedeng anu-anuhin. Baka may magselos sa audience [patungkol kay Ahron na nasa audience na nanunuod] Char!"

May mga hugot ni Kakai tungkol sa kanyang buhay pag-ibig. Payo niya sa concertgers: “Para doon sa mga hindi naniniwala sa kanilang kagandahan, kung sino man sila, huwag kayong maniniwala sa sinasabi ng iba, ang mahalaga ay 'eto…[sabay turo sa kanyang mukha]. We are all unique in our own little way and in our own beautiful way, what ever they say, just smile and look at the mirror, always tell yourself, 'Oh my God you’re beautiful!' Ganun! Always be proud of who you are.

"Itong kanta na ito, pinakinggan ko noong wask na wasak ako. F*cking sh*t!

"Okay lang yun, tapos na yun. Bati na kami."

Matatandaan na naging rumored couple noon si Kakai at Ahron at nagkaroon sila ng word war ngunit nagkabati na rin sila.

"Naiiyak ako guys. Naalaala ko kasi, tumatakbo pa ko sa palengke ng Binan, sampung piso lang ang pera ko pang-kain," ang kuwento ni Kakai habang nagpunas siya ng luha niya. "Ngayon, marami na kong pera pang-kain. Ang taba ko na tuloy."

Naging emotional si Kakai sa kanyang concert lalo na nang kantahin niya ang “Journey” ni Lea Salonga.

Naalala pa daw nya noon na alalay lang sya ni Lea Salonga, siya daw ang nagpapalit ng damit kay Lea Salonga backstage pag may concert ito, siya ang nagtatahi at tagabitbit ng mga damit nito at hirap na hirap daw siya ng mga panahon na yun.

Ito ang panahon na naging bida si Lea sa They're Playing Our Song noong 2011.

Himingi siya ng permiso daw kay Lea Salonga para kantahin ang ilang Lea Salonga songs sa kanyang concert tulad nalang ng "Reflection" at "Journey."

Si Jona ang unang guest ni Kakai na sinabi nyang isa siya sa mga iniidolo niyang singer. Nag duet sila ng kanyang “Memory.”

Nagkaroon ng Sarah Geronimo medley si Kakai kunsaan kinanta niya ang mga awitin ng Popstar Princess tulad ng “Ikot-Ikot.”

Nag change costume si Kakai habang nag solo si Jona ng kanyang awiting “You.” Lumabas na naka shorts na maong si Kakai para sa kanyang duet kasama na JBK trio.

Isa sa mga idolo ni Kakai noong nagsisimula pa siya ay ang Asia's Songbird. Noong unang concert niya raw ay sinurpresa siya ni Regine Velasquez dahil nakipag duet ito sa kanya. Ngayon naman daw ay nais niyang mag-alay ng awit para sa kanyang idolo kaya inawit ni Kakai ang ilan sa mga kanta ni Regine tulad ng “Dadalhin.”

Nagtilian ang audience nang lumabas ng stage si Maymay Entrata at duet nilang inawit ang awit ni Karencita na “Cebuano.” Napahanga ang mga manunuod sa galing ni Maymay na mag-rap.

Pinayuhan ni Kakai si Maymay na huwag itong magbabago sa kabaitan nito dahil sigurado daw malayo pa ang mararating ng former Pinoy Big Brother housemate.

Matapos ang kanilang kanta ay hinanap ni Kakai si Edward Barber na umakyat naman sa stage magmula sa audience na hindi alam ang gagawin. Sabi naman ni Maymay, “Dito ka lang, bahala na!”

Habang kumakanta si Maymay ng kantang “Kabaduyan” para sa kanyang solo spot number ay makikitang very sweet ang MayWard onstage.

Ibinalita ni Kakai na magkakaroon sila ng pelikula ni Ahron Villena, istorya daw ito ng mag best friend, pero malayong malayo daw sa istorya na nangyari sa kanila.