Ang linya sa kanta na, "Love moves in mysterious ways," ay bagay na bagay sa love story nina Jenna at Mitchell Brotherson, parehong taga-Utah, USA.
Some years ago, matapos nilang maghiwalay, naaksidente si Mitchell at nagkaroon ng amnesia. Hindi niya naalalang break na sila ni Jenna.
Ipinagpatuloy niya ang pakikipag-ugnayan sa ex-girlfriend, na napagtanto ang kabutihan ng lalaki.
Ngayon ay four years na silang kasal.
Nagkuwento si Jenna sa TikTok noong October 28, 2024.
Sa unang picture ay makikita ang larawan niyang may luha.
Mababasa sa overlay text: “Me after breaking up with my boyfriend because I was too overwhelmed with life at the moment."
Read: Lady discovers "rich" BF is a scammer 2 months before wedding
Kasunod nito ay larawan nilang dalawa ni Mitchell na magkaakbay.
Ayon sa text: “Him getting a concussion and not remembering me breaking up with him.”
Ang huling larawan ay picture nila na kuha noong sila ay ikinasal.
Ayon sa overlay text: “Us 7 months later.”
Read: Turkish TikToker who married self dies after falling in building
BOYFRIEND SUFFERS CONCUSSION
Nitong November 3, idinetalye ni Jenna ang kanilang di pangkaraniwang love story.
Nangyari raw ang kaning "pretty good breakup" sa loob ng kotse.
Kinabukasan, nag-ski raw si Mitchell.
Sa pagpapatuloy ni Jenna, “While he was skiing he was [trying] to do flip and landed it wrong, and he hit his head, got a really bad concussion.
“He blacked out, didn’t know what was going on, then he had paramedics. He woke up while they were taking him down the hill.”
Matapos daw ng aksidente, nakatanggap si Jenna ng text message at tawag mula kay Mitchell.
Nagpapasundo raw ito sa ospital dahil hindi ito makapag-drive.
Sa isip-isip daw ni Jenna, “Why is he messaging me this? I just broke up with him.”
Sa mga sumunod daw na araw ay constant daw ang pagmi-message sa kanya ni Mitchell at lagi siyang niyayayang lumabas.
“What is he not getting about me breaking up with him?” sa isip-isip daw ni Jenna.
Pero sa panahon daw na iyon, nakita ni Jenna ang kabaitan at pagiging thoughtful ni Mitchell.
Dumating ang spring break at umuwi muna sila sa kani-kanilang pamilya. Naramdaman daw ni Jenna na hinahanap-hanap niya si Mitchell. Nagdesisyon daw siyang makipagbalikan kay Mitchell.
Matapos ang spring break, nagkita ang dalawa at nag-usap sa loob ng kotse.
Dito raw sinabi ni Jenna na gusto niyang magbalikan sila ni Mitchell.
Saka napagtanto ni Jenna na hindi natatandaan ni Mitchell ang kanilang paghihiwalay.
Sabi ni Jenna, “He didn’t remember us breaking up. He just thought we’re still dating and that I was just not messaging him that often or something.
“We got back together, obviously,” natatawang lahad ni Jenna.
PEOPLE INTERVIEW
Sa interview ni Jenna sa People nitong November 7, 2024, matutukoy na big year para sa dalawa ang taong 2020 dahil sa dami ng nangyari.
February 2020 noong nakipag-break siya kay Mitchell.
Marso 2020 naman noong nagdesisyon siyang makipagbalikan kay Mitchell, na hindi naalalang naghiwalay sila.
“He told me he didn’t remember any of that [breakup] except for chatting in the car,” sabi ni Jenna sa People.
Noong August 18, 2020, nag-propose si Mitchell sa Big Cottonwood Canyon, Salt Lake City.
Noong September 4, 2020, nagpakasal sila sa Draper, Utah.
Ani Jenna sa kanyang TikTok video: “We were married for four years since then and it’s been so much fun.”
Isa na ring nanay ngayon si Jenna.
CONCUSSION
Sa comments section ng post ni Jenna, may mga kritiko ukol sa concussion incident ni Mitchell.
Inisip nilang baka nagpanggap lang daw ang lalaki na hindi niya maalala ang breakup para magkabalikan sila ni Jenna.
Pero sagot ni Jenna, "...To this day he doesn't remember it at all."
May ilan ding nagbahagi ng parehong karanasan.
Isang netizen ang may female relative na na-engage sa lalaking nagkaroon ng head concussion at laging nakakalimutan na nag-propose na ito.
Halos ganundin ang nangyari sa boyfriend ng isang netizen.
Nagkaroon daw ito ng traumatic head injury at nakalimutan ang lahat pati mga magulang members except siya na girlfriend.
HEAD CONCUSSION SYMPTOM
Ayon naman sa isang artikulo ng Mayo Clinic ukol sa head concussion, may instances na kabilang sa mga sintomas nito ay confusion at loss of memory o kung tawagin ay amnesia.
“Symptoms can last for days, weeks or even longer,” ayon sa article.
“Common symptoms after a mild traumatic brain injury are headache, confusion and loss of memory, known as amnesia.
“The amnesia usually involves forgetting the event that caused the concussion.”