Parang teleserye ang mga pangyayari sa buhay ni Zhang Huaiyuan, 33.
Lumaki siya sa hirap at naninirahan sa isang dukhang rural village sa Anhui province na nasa eastern part ng China.
Isang araw, natuklasan niya ang isang nakakagulat na katotohanan: ang nakagisnan pala niyang mga magulang ay hindi niya kadugo.
Siya ay anak ng mayamang negosyante na naninirahan sa Zhejiang province sa southeastern China.
Read: Man who went missing for 28 years found in neighbor’s house
BABY PINALABAS NA PATAY NANG IPANGANAK
Sa ulat ng South China Morning Post noong June 23, 2024, napag-alamang pinaniwala ng doktor na nagpaanak sa ina ni Zhang na namatay bilang premature baby.
Pero ang totoo, buhay siya at ipinaampon ng doktor sa kamag-anak na nasa 50s na at hindi mabuntis-buntis.
Disabled ang nakagisnang ama ni Zhang kaya napasuong agad siya sa hirap ng buhay.
Pagsapit niya sa edad na 17, kinailangan niyang huminto sa pag-aaral para magtrabaho at makatulong sa mga kinikilalang magulang.
Read: Woman kidnaps 11-year-old girl to be her son’s future wife
Pumanaw ang kanyang adoptive father noong 2023.
Noon na rin ipinagtapat kay Zhang ng kanyang adoptive mother na hindi sila ang tunay niyang magulang.
Nang malaman niya ito, nagpatulong siya sa pulisya para matunton ang kanyang biological parents at real family.
Read: Delivery rider eats customer’s food without permission
NA-MEET ANG BIOLOGICAL PARENTS, FAMILY
Makalipas ang tatlong dekada, nakaharap ni Zhang noong May 20, 2024, ang kanyang mga tunay na magulang.
Isang malaking selebrasyon ang inihanda ng kanyang family.
Umiiyak na ipinagkaloob ni Li Shijie, ang tunay na ama ni Zhang, sa anak ang bank card para sa account na naglalaman ng 1.2 million yuan o PHP9,698,384.
Napag-alaman ding may panganay na kapatid si Zhang.
Read: Woman not going to sister's wedding; groom is her cheating ex-BF
June 1991 nang ipanganak si Zhang.
Kuwento ng kanyang tunay na ama, “Since the first was born via caesarean section which hadn’t fully healed, my wife’s incision reopened during the sixth month of pregnancy.”
Nang bumuka ang dating tahi, kinailangang ilabas si Zhang prematurely.
Idineklara ng doktor na namatay ang sanggol, na hindi na rin nakita ng mag-asawa.
Wala rin daw alam sa nangyari ang misis ni Li na nasa ilalim ng general anesthesia nung panahong iyon.
Pero nagsinungaling lang pala ang doktor sa hindi na binanggit na ospital.
Read: Egg-and-toothpaste experiment produces “jelly egg”
NAMANA ANG HUSAY SA PAGNENEGOSYO
Sa kabila naman ng pagiging laki sa hirap, namana ni Zhang ang husay sa pagnenegosyo ng kanyang biological parents.
Sa piling ng mga nagpalaki sa kanya, kahit hindi siya nakapagtapos ng pag-aaral ay nakapagpundar siya ng maliit na factory sa Tianjin.
May asawa na rin siya at anak na lalaking siyam na taong gulang.
Kamakailan ay binisita siya ng kanyang tunay na mga magulang para makita ng mga ito ang manugang at apo.
Awang-awa naman kay Zhang ang amang si Li.
Ayon dito, nabuhay ang kanyang bunso sa loob ng mahigit 30 taon nang hindi alam kung kailan ang totoong petsa ng kanyang kapanganakan.
Ngayong taon, plano nilang ipagdiwang ang kanyang kaarawan nang sama-sama ang buong pamilya.