Dalawang beses nakatikim ng pagkatalo ang amateur mixed martial arts (MMA) fighter na si Lukasz Bukovac—isa sa loob ng cage at isa sa kanyang proposal.
Unang sumalang si Lukasz sa two-on-one cage fight kasama ang kanyang partner na si Patrik Horvath laban kay Jan Michalek.
Nagwagi pa rin si Jan kahit may kakampi si Lukasz.
Naganap ang match noong June 23, 2024.
Read: MMA fighter foils robbery attempt of three suspects
MMA FIGHTER'S MARRIAGE PROPOSAL REJECTED BY GIRLFRIEND
Si Lukasz ay isang Czech Republic national.
Matapos matalo sa laban, nag-propose naman siya sa kanyang girlfriend.
Habang nasa ibabaw ng ring ay lumuhod si Lukasz sa harap ng kanyang girlfriend at inilabas ang singsing.
Sinaksihan iyon ng mahigit 20,000 katao na nanood din sa kanyang laban.
Read: Guy nag-stage ng armed robbery para mag-propose sa girlfriend
Read: Dominic Roque, ikinuwento kung paano pinlano ang proposal kay Bea Alonzo
Sa pagkabigla ni Lukasz—at maging ng crowd—tinanggihan ng kanyang girlfriend ang marriage proposal.
Hindi na binanggit ang pangalan ng kanyang girlfriend.
Sa halip, kinuha nito ang microphone sa ring announcer at idineklara ang pag-reject kay Lukasz.
Anang babae, “Based on everything that’s happened, I think probably not.
“I'm saying no.”
Sinabi rin ng girlfriend na hindi naging tapat si Lukasz at may iba pang babaeng nilalandi.
Iyon umano ang dahilan kaya ayaw niyang pakasalan ang MMA fighter.
Read: Angry girlfriend runs over boyfriend carrying their baby
CHEATING ALLEGATION ITINANGGI NG MMA FIGHTER
Ang naganap na drama sa ibabaw ng ring ay nagpatahimik sa maingay na crowd.
Saglit pa, nagsimula ang mga manonood na kantiyawan ang girlfriend ni Lukasz.
Pumailanlang ang malakas na “boo!” para sa babae.
Nag-usap pa sina Lukasz at ang kanyang girlfriend at nakiusap siyang baguhin ang desisyon nito.
Hindi napahinuhod ang babae.
Read: Man wants wife to quit job; she demands half of his company
Read: Millionaire golfer burns own house after split with wife
Isang miyembro ng team ni Lukasz ang lumapit sa cage at sinabuyan ng tubig ang kanyang girlfriend bilang protesta sa pag-reject nito sa kanyang marriage proposal.
Ilang sandali ay kinapanayam ng press si Lukasz.
Itinanggi niya ang mga alegasyon ng girlfriend na nag-cheat siya rito.
Mariing pahayag niya, “I didn't really cheat on her.”
Read: Christine Bermas reveals being cheated on by Nico Locco
VIDEO NG REJECTED PROPOSAL, NAG-VIRAL
Ang video ng insidente ay ini-upload sa X (formerly Twitter) ng user na may handle na @HappyPunch noong June 24.
Nakakuha na ang video ng 19M views, 2,409 reposts, 2,375 quotes, 37.5K likes, at 7,605 bookmarks.
Karamihan sa mga nagkomento ay nagsabing 0-2 ang naging resulta ng pag-akyat ni Lukasz sa ring nang gabing iyon.
Sambit ng isang commenter, “Bro went 0-2 in one night—a double defeat.”
Read: PEP OUTTAKES: Sino ang may sala: lalaking nangaliwa o babaeng pumatol?
Ayon naman sa isa ay napakasaklap ng naranasan ni Lukasz na dalawang beses na pagkatalo sa loob lang din ng dalawang minuto.
May nagsabi rin na hindi dapat nag-propose si Lukasz matapos matalo.
Para sa nagkomento, “He could have saved it until he won a fight.”
Pero may mga nagpahayag din na kung sakali mang nanalo si Lukasz, hindi siya sigurado na “yes” ang isasagot ng kanyang girlfriend dahil sa alegasyon nitong cheater ang MMA fighter.