Bandang alas siyete ng umaga nang mapansin ng mga residente ng isang village na may katawan ng lalaki na nakalutang sa gilid ng kanilang pond.
Nangyari ito noong June 11, 2024, sa Reddypuram Kovelakunta na nasa town ng Hanumakonda, na matatagpuan sa Andhra Pradesh state ng India.
Hindi nag-panic ang mga residente, pero sinisigawan nila ang lalaki—na napansin nilang hindi kumikilos.
Nakilala ito na isang quarry worker.
At nang sumapit na ang alas dose ng tanghali at wala pa ring kakilus-kilos ang lalaki, naalarma na ang mga residente at inakalang patay na ito kaya tumawag na sila ng pulis.
Read: Story about dad bringing late son’s girlfriend to prom goes viral anew
Read: Man in Cebu City attacks 3 girls for being pretty
Rumesponde ang Kakatiya University (KU) police.
Dumating din ang isang emergency medical services team na may 108 personnel.
Inakala rin ng mga ito na dahil sa hitsura ng lalaki sa pond ay wala na itong buhay.
Read: Bride breaks ankle after giving groom piggyback ride
PULIS NAGULAT NANG MABUHAY ANG DEAD BODY
Sa maikling video na nai-post ng investigative journalist na si Sudhakar Udumula sa X (formerly Twitter), makikita ang isa sa mga pulis na lumusong sa tubig at hinila ang kamay ng lalaki.
Laking gulat ng lahat dahil bigla itong bumangon.
Maging ang lalaki ay gulat na gulat din dahil maraming tao ang nanonood sa kanya.
Maririnig sa video ang tawanan habang pilit na inuunawa ng lalaki kung ano ang nangyayari.
Read: Bride gets fired from job on her wedding day
Read: Silver necklace stops bullet, man survives gunshot
Nang tuluyang mahimasmasan, pinaliwanag niya sa mga pulis na 10 days na siyang nagtatrabaho sa isang granite quarry.
Labindalawang oras ang itinatagal ng kanyang shift.
Kaya nung nag-day off siya, nagpakasarap siya sa pag-inom ng alak.
Read: Employee takes home pay for 20 years doing nothing; sues company
Read: Couple who died in car accident wedded via ‘ghost marriage’
Pero dahil sobra naman siyang binanas dahil sa init na panahon at epekto ng alak, nagdesisyon siyang lumublob sa pond.
At dahil lasing, hindi niya namalayang nakatulog na pala siya habang nakababad sa tubig. Hindi rin niya naririnig ang pagtawag sa kanya ng mga tao.
Read: Airport cleaner returns dollars found at NAIA Terminal 3
NETIZENS NAG-ENJOY SA VIDEO NG DRUNK MAN
Ang video ay agad nakaagaw ng atensiyon ng mga netizens.
Mayroon na itong mahigit 66K views, at patuloy na inire-reshare sa iba’t ibang social media platforms.
Karamihan din sa mga komento ay naglagay ng laughing emojis.
Ayon sa isang X user, limang beses niyang pinanood ang video at hindi matapus-tapos ang kanyang pagtawa.
Read: "Walking Tree" is New Zealand’s 2024 Tree of the Year
Marami rin ang nagsabing tawang-tawa sila sa naging reaction ng pulis nang “mabuhay” ang dead body.
Sa ulat naman ng News18, isang Indian news website, para makaiwas na makasuhan ay sinabi ng lalaki na sadyang nakatulog lang siya sa pond sa sobrang pagod at hindi siya lasing.
Nangutang din siya sa mga pulis ng pamasahe para makauwi sa kanyang pamilya.
Read: Carer looks after old man for 12 years; inherits 5 flats