Uso na ngayon sa mga ikinakasal ang pagtatakda ng kanilang sariling rules pagsapit ng wedding day.
Kabilang dito ang hindi puwedeng magsama ng kids ang mga bisita.
Kailangan ding i-off muna ang mga smartphones habang idinaraos ang seremonya.
Bawal ding magpabida ang mga guests—dahil hindi naman para sa kanila ang okasyon kundi para sa mga ikakasal.
Read: Couple exchange "I do" at the moment total eclipse happened
Pero sina Emerson at John Schiavone ng New Jersey, USA, na yata ang may pinaka-demanding at controversial na rules sa kanilang naging kasal.
Sa TikTok account ng mag-asawa na may handle na @emersonschiavone_ ay nag-share sila ng curated videos ng kanilang kasal noong 2023.
Idinetalye nila ang mga naganap sa TikTok account nila na may halos 40K followers at three million likes.
Read: Wife's post about husband who ghosted her goes viral; gets so much information in 14 hours
Kabilang sa mga heavily curated content ang series of videos na pinamagatang “Controversial things we did for our 2023 wedding.”
Ang pinakahuling installment na nai-upload last April 17, 2024 ay umani ng maraming batikos mula sa netizens.
Sa clip na nag-viral at nakakuha na ng halos three million views ay ibinahagi ng mag-asawa ang kanilang ipinatupad na strict rules sa kanilang mga bisita.
Kabilang dito ang requirement nila na cash ang iregalo at hindi physical gifts.
In a way, practical naman ito.
Ayon sa mag-asawa, mas kailangan nila ang cash kaysa makatanggap sila ng materyal na regalo na posibleng hindi naman nila magagamit.
Read: Wife, who wants to prioritize career, finds second partner for husband
COUPLE'S STRICT RULES DURING WEDDING
Bawal din sa mga bisita ang mag-request ng mga awitin sa reception.
Katwiran ni Emerson, “This is not prom, this is a wedding.”
Hindi rin sila naglaan ng memorial table or chairs para sa kanilang mga kapamilyang pumanaw na. Morbid ang tradisyon na ito para sa mag-asawa.
Nasa isang pribadong area rin sa reception sina Emerson at John nang hiwain na nila ang kanilang wedding cake.
Gusto umano nilang masolo ang moment na iyon.
Read: Husband ends 16-year marriage after learning sad truth: 4 kids are not his
Hindi na rin pinapasok sa venue ang mga bisitang late dumating—bagaman at ito rin ang patakaran ng may-ari ng venue.
Ang isang rule na ikina-shock ng netizens, sa reception, ang mga bisita ay may dalawa lang options para sa main course—filet mignon o kaya ay pesto crusted salmon.
Komento ng netizens, paano kung may bisitang vegetarian?
Nilinaw naman ni Emerson na may vegetarian option para sa mga guests na hindi kumakain ng karne.
Read: Mom resorts to desperate measures to stop son's wedding
Sa iba pang videos ibinahagi rin ng mag-asawa na hindi sila lumapit sa kada mesa para sa picture-taking.
Bawal ding magsama ng kaibigan, syota, asawa o ng kahit sino ang kanilang imbitadong single friends.
Nag-hire ang couple ng security para mahigpit na maipatupad ang rule na ito.
Hindi naman nila ipinaliwanag kung bakit, pero bawal ang bisita na nakasuot ng Apple watch.
Read: Couple chooses disco bathroom of gas station as wedding venue
COULPE DUBBED AS FUN POLICE BY NETIZENS
Dahil sa mga strict rules na ito, tinawag sina Emerson at John ng isang netizen na “fun police.”
Biro ng isa, “Was smiling allowed or is that too much?”
Read: Wedding gets messy ending; groom abandons bride after reception
Read: Bride and groom set themselves on fire during their wedding
Sambit naman ng isa ay nauunawaan niya kung may mga ipinatutupad na rules sa kasalan, pero kung kagaya aniya ng kina Emerson at John, malamang na hindi na lang siya mag-attend kung iimbitahan siya.
Pero para sa isang nagkomento, kasal iyon nina Emerson at John, kaya, “You deserve to do what you want for it.”
Ayon naman sa mag-asawa sa caption sa isa sa mga videos, “Yes we did these, and no we don’t regret it.”
Read: Guy nag-stage ng armed robbery para mag-propose sa girlfriend