Nakakita ang isang French couple ng African mask habang naglilinis ng kanilang lumang bahay noong September 2021.
Ang babae ay edad 81, habang ang lalaki ay edad 88. Hindi na sila pinangalanan.
Ang mga kalat sa bahay ay ibinenta nila sa isang garage sale.
Samantala, ang African mask ay dinala nila sa isang local antiques dealer.
Binili ito sa kanila sa halagang US$157 (PHP8,901.66).
Read: Paris “sinalakay” ng mga surot; itinuring itong “national emergency”
Makalipas ang ilang buwan, habang nagbabasa ng diyaryo, nalaman ng mag-asawa na ang ibinenta nilang African mask ay nabenta ng US$4.4 million (PHP249.47 milyon) sa isang specialized auction sa Montpellier, isang siyudad sa southern France.
Napag-alamang rare at hindi ordinaryo ang African mask na ginagamit sa mga ritwal ng African secret society.
Iniulat din ng Artnet News, isang art market website sa U.S., na ang naturang African mask ay dinala sa France mula sa Gabon ng lolo ng lalaki.
Ang lolo ng lalaki ay naging colonial governor sa Africa noong early 20th century.
Read: Lalaking tadtad ng tattoo hindi magka-love life, hindi tanggap sa workplace
MAG-ASAWA NAGHABOL SA BENTA
Idinemanda ng mag-asawa ang antiques dealer.
Paniniwala nila, niloko sila nito.
Sa inilabas na desisyon ng appeals court sa France noong June 28, 2023, sinabing ang kaso laban sa dealer ay “appears to be well-founded in principle.”
Hindi muna puwedeng galawin ang pinagbentahan sa African mask habang nagpapatuloy ang pagdinig sa kaso.
Walang inilabas na pahayag ang abogado ng mag-asawa sa kabila ng hiling ng media.
Read: Babae napagkamalang eye drops ang superglue, naipatak sa mata
DEALER ALAM ANG TUNAY NA VALUE NG MASK
Sa ulat ng Artnet News last October 3, ang argumento ng mag-asawa sa korte ay alam ng dealer ang tunay na halaga ng African mask nang ibenta nila ito sa shop.
Hindi raw kasi ito idinisplay sa shop, sa halip, kinontak ng antiques dealer ang auction houses na Drouot Estimation at Fauve Paris.
Sa pagtataya ng Drouot Estimation, ang presyo ng African mask ay nasa €120 (PHP7,213.07).
Nasa €600 (PHP36,065.35) naman ang estimate ng Fauve Paris.
Pero humingi ang antiques dealer ng third opinion sa Montpellier, isang specialist sa pagbebenta ng African objects.
Read: Lalaki napagkamalang unggoy, nabaril ng kasama sa pangangaso
Isinailalim ang African mask sa analysis gamit ang carbon-14 dating and mass spectrometry.
Natuklasan na ginawa ito noong 19th century.
Sa expert appraisal na ginawa ng isang ethnologist, nalamang ginagamit ito sa purification rites ng Ngil society, isang secret society na kontrolado ng Fang ethnic group sa Gabon hanggang 1920s.
Para sa Montpellier, ang presyo ng African mask ay nasa €400,000 (PHP24,043,565.91).
Pero nabenta ito ng PHP249.47 milyon sa isinagawang auction noong March 2022.
Read: Love bite ng girlfriend, ipinagawang tattoo ng boyfriend
AFRICAN MASK, SOBRANG RARE
Ayon sa record ng korte, ang African mask na yari sa kaolin-coated cheese wood, ay sobrang rare.
Nasa 12 lang nito ang nag-e-exist sa buong mundo—na karamihan ay nasa Western museums and collections.
Naniniwala ang abogado ng mag-asawa na posibleng makansela ang pagbebenta sa African mask dahil sa kanilang maling paniniwala na walang value ang item.
Read: Lotto bettor na tumaya habang may bagyo, PHP35M ang panalo!
Read: Ang katotohanan sa likod ng viral video ng "pastor" na kayang laruin at amuin ang mga lion
May naging precedent case na kasi sa France kung saan ang paintings ng isang sikat na painter ay na-misattribute sa isang hindi pa masyadong kilalang painter.
Naibenta ang mga paintings ng may-ari sa murang halaga.
Nang ma-authenticate ang mga paintings at nalamang sobrang sikat pala ang artist, naghabol sa korte ang may-ari.
Pinawalang bisa ng korte ang kontrata ng bentahan, at ibinalik sa may-ari ang mga paintings para mapresyuhan nang mas mataas.
Read: 13-year-old Doodle Boy Joe Whale bags "huge deal" with Nike
DEALER NAG-ALOK NG OUT-OF-COURT SETTLEMENT
Sa kaso ng African mask, nag-offer na ang antiques dealer sa mag-asawa ng out-of-court settlement at nagbabayad ng US$315,000 (PHP17,860,027.50).
Hindi sila nagkasundo dahil ayaw pumayag ng mga anak ng mag-asawa, ayon sa mga dokumento ng korte.
Dinidinig pa rin hanggang ngayon ang kaso.
Ang appeals court ng France ang pansamantalang may kontrol sa pinagbentahan ng African mask habang wala pang pinal na desisyon.
Read: Lotto winner noong 2014, makukuha na sa wakas ang premyong PHP12M