Sina Frank, 22, at Vicky, 19, ay mga ampon ng mag-asawang Angela at Dennis Laffin mula sa New York, U.S.A.
Sanggol pa lang sina Frank at Vicky nang ampunin.
Unang inampon si Frank ng Laffin family.
Makalipas ang one and a half years, inampon si Vicky.
Lilipas ang maraming taon—halos 20 years—bago nila madiskubreng biological siblings pala sila.
Napaulat ang kuwento nina Frank at Vicky nito lamang August 2023.
Tumawag noon si Vicky sa kanyang adoptive mother na si Angela at sinabi ritong kapatid niya si Frank, ulat ng TODAY.com.
Nalito raw si Angela at sinabihan si Vicky na, “Of course, you’re brother and sister. I raised you.”
Paglilinaw ni Vicky, “biological siblings” sila ni Frank. Yun pala, binabasa ni Vicky sa mga oras na iyon ang resulta ng DNA tests nila ni Frank.
Read: Haponesa, 82, naiwan sa Pilipinas noong World War II, nakauwi na sa Japan sa wakas
THE extraordinary STORY of two adopted babies
Ang mag-asawang sina Angela at Dennis ay may biological son, si Nick. Pero dahil nahirapan na silang makabuo muli, nagdesisyon silang mag-ampon.
Noong 2002, inampon ng mag-asawa si Frank, na natagpuan sa isang diaper bag at iniwan sa isang daycare center sa Staten Island.
Makalipas ang higit isang taon, tumawag si Angela sa isang adoption agency tungkol sa napaulat na baby girl na iniwan sa restroom ng Richmond University Medical Center.
Sinabi ni Angela sa adoption agency na gusto niyang ampunin ang baby girl.
Lumaking masaya sina Frank at Vicky kasama ang kanilang adoptive parents—sina Angela at Dennis—at ang biological son ng mag-asawa na si Nick.
Read: Pet owner apologizes for cat stealing expensive bikinis, undergarments in neighborhood
Frank, Vicky, and their brother Nick
Dahil malalaki na sina Frank at Vicky, naging interesado silang alamin kung ano ang kanilang pinagmulan.
Naging supportive si Angela sa kagustuhan ng kanyang dalawang ampon, at isinailalim sila sa DNA tests.
“We just sort of wanted to know where we came from, so we can could better connect to our cultures,” ani Vicky sa interview ng TODAY.com.
“Frank for a really long time thought he was Puerto Rican—and it turns out he’s not.”
Hindi makapaniwala si Vicky nang makita ang resulta ng DNA test.
“I was shaking when I read the results. I was definitely emotional,” sabi niya.
“The fact that I’ve been living my entire life with my biological sibling and had no idea?”
Pero habang lumalaki, lagi raw silang binabati na magkahawig sila ni Frank.
Sabi naman ni Frank sa interview ng CBS New York, “I was driving home actually and she called me, and she was telling me, she was like, ‘Oh my god, we are biologically related,” and I was like, ‘Yeah, okay, whatever.’ Little did I know that I’ve been living with my blood my whole life. It’s insane.
“We were both found a year and half apart and wound up in the same family. The odds are insane.”
Sabi naman ni Dennis, “People would ask us, ‘Are they related?’ and we’d say no because we didn’t now they were.”
Si Vicky ay isang college student na nag-aaral ng Psychology at Creative Writing, habang si Frank ay nagbabalak maging special agent sa Internal Revenue Service.