Hindi malilimutan ang legacy ng Apple co-founder na si Steve Jobs sa larangan ng teknolohiya.
Kaya naman, naging ang naiwan niyang lumang tsinelas na Birkenstocks Arizona, kung saan nakahulma ang kanyang mga paa, ay nabenta sa isang auction sa halagang US$220,000 (PHP12,640,100.00).
Hindi maluho si Steve sa kanyang mga personal na gamit, but interestingly, ang German sandals na paborito niyang isuot noong 1970s and 1980s ay naging pinakamahal na pares ng tsinelas na naibenta ng Julien’s Auctions.
“The cork and jute footbed retains the imprint of Steve Jobs’ feet, which had been shaped after years of use,” pagbanggit ng website.
“Steve Jobs wore these sandals during many pivotal moments in Apple’s history.
“In 1976, he hatched the beginnings of Apple computer in a Los Altos garage with Apple’s co-founder Steve Wozniak while occasionally wearing these sandals.”
Sa ngayon, ang bagong pares nito ay mabibili sa halagang US$125 (PHP7,181.88).
Sa unang pagtataya ng auction house, inasahang aabot ang presyo nito ng hanggang US$60,000 (PHP3,447,300.00).
Nabenta ito na may kalakip na NFT (non-fungible tokens) sa hindi pinangalangang buyer.
Ang final price ayon sa Julien’s ay US$218,750 (PHP12,568,281.25).
Ang tsinelas na ito ay laging suot ni Steve at bahagi ng kanyang “foundational wardrobe.”
Una itong nabenta sa halagang US$2,000 (PHP114,802.00).
Na-feature rin ito sa iba’t ibang exhibits sa New York, U.S.A., at Milan, Italy, hanggang tumaas nang tumaas ang market value.
Sa 2018 interview kay Chrisann Brennan, dating girlfriend ni Steve, suot iyon ng namayapang tech genius kahit winter.
Aniya, “The sandals were part of his simple side. They were his uniform. The great thing about a uniform is that you don’t have to worry about what to wear in the morning.”
Si Chrisann, na isang American painter and memoirist, ang sumulat ng The Bite in the Apple, isang autobiography tungkol sa kanyang naging relasyon kay Steve.
Siya ang nanay ni Lisa Brennan Jobs.
Dahil kay Lisa kaya naisipan ni Steve na i-develop ang iPod.
Pumanaw si Steve noong 2011 sanhi ng kumplikasyon sa pancreatic cancer.