Iniulat ng Surigao del Norte Maritime Police Station (SDN-MARPSTA) ang ginawang pagliligtas at muling pagpapakawala sa dagat sa green sea turtle na nalambat.
Naganap ito bandang hapon ng July 27, 2022, sa Barangay Sabang, Surigao City.
Sa pahayag na inilabas ng SDN-MARPSTA noong July 28, ipinagbigay-alam sa mga kinauukulan ng mangingisdang si Arnold Pama, 55, na may nahuli ang lambat nito na hindi isda.
Agad itong sinuri ng mga taga-SDN-MARPSTA at nalamang isa itong green sea turtle.
Ayon sa SDN-MARPSTA, “The marine species is a class of sea turtle which was banned from being traded as declared by the Bureau of Fisheries and Aquatic Resources [BFAR] in relation to the Convention on International Trade in Endangered Species of Wild Fauna and Flora [CITES] Appendixes.”
Agad sinuri ang nasabing green turtle.
Ibinalik din agad ito sa dagat nang matiyak na maayos ang kondisyon at walang sugat sa katawan.