Umani ng hate messages ang isang chief executive officer (CEO) ng isang mortgage company sa U.S. matapos nitong tanggalin ang daan-daang empleyado via a Zoom call.
Bagama’t magpa-Pasko, na-lay off ang 900 empleyado, o tinatayang 15 percent ng kumpanyang Better.com (Better Mortgage Corp.), isang mortgage company.
Ang CEO na si Vishal Garg ang nagtayo ng Better.com noong 2015, at layunin niyang mapabilis at mas efficient ang mortgage transaction o pagpapautang gamit ang technology.
December 3, 2021 nang kumalat sa social media ang recording ng Zoom call ni Garg.
Pero ang paraan ng pagkakasabi ni Garg sa mga tatanggaling employee ang dahilan kaya inulan siya ng batikos sa social media.
Tinawag itong "inhuman," “insensitive,” at “disrespectful."
Narito ang ilan sa comments:
Dahil sa matinding batikos kaya naglabas si Garg ng apology.
THE "INSENSITIVE" VIDEO CALL
Noong nakaraang linggo kumalat ang video.
Sa simula, ipinaalam na niya agad ang tungkol sa “not great news.”
Ang “change in market” ang dahilan para magdesisyon siyang mag-lay off para mag-survive ang company.
Ang naging problema raw ng kumpanya ay “market, efficiency, and performances and productivity.”
Prangkang pahayag ng CEO, “If you’re on this call, you are part of the unlucky group that is being laid off.
“Your employment here is terminated effective immediately.”
Ipinaalam niya na makakatanggap daw ng e-mail ang mga matatanggal na empleyado para ma-inform sila.
Ang empleyado raw nila sa U.S. ay makakatanggap ng three-month benefits.
“Ultimately it was my decision and I wanted you to hear from me,” sabi pa ng company head.
Sinabi rin ni Garg na hindi ito ang unang beses na ginawa niya ang announcement.
Sa unang beses daw ay naiyak pa siya noon.
CEO ISSUES APOLOGY
Nitong Martes, December 6, 2021, ipinost ang apology letter ni Garg sa website.
Inamin niya na mayroon siyang pagkakamali.
Humingi siya ng paumanhin dahil sa paraan kung paano niya ipinaalam na mawawalan ng trabaho ang maraming empleyado ng kanyang kumpanya.
Bahagi ng kanyang statement, “I failed to show the appropriate amount of respect and appreciation for the individuals who were affected and for their contributions to Better.
“I own the decision to do the layoffs, but in communicating it, I blundered the execution. In doing so, I embarrassed you.
“I realize that the way I communicated this news made a difficult situation worse.
"I am deeply sorry and am committed to learning from this situation and doing more to be the leader that you expect me to be.”