Pinatunayan ng tatlong magkakaibigan na magkakasama sila sa hirap at ginhawa, matapos silang manguna sa Physician Licensure Examination 2021.
Nasungkit ng tatlong medical graduates mula sa University of the Philippines-Manila ang Top 1 at Top 2 spots ng naturang exam, ayon sa results na inilabas nitong November 11, 2021.
Nanguna si Ian Gabriel Juyad, na nakakuha ng markang 87.50 percent. Ibinalita ito sa kanya ng kanyang girlfriend.
Pagbabalik-tanaw ni Ian, “She said na, ‘Nakita mo na ba?’”
Tinanong daw ni Ian ang girlfriend kung ano ang tinutukoy ng kasintahan, at saka nito sinabing Top 1 si Ian sa licensure exam.
“And then hindi ako makapaniwala. I shouted, ‘Top 1!’” ani Ian, ulat ng 24 Oras noong November 12, 2021.
Maging ang girlfriend ni Ian ay pumasa rin sa exam.
Samantala, nag-tie naman sa ikalawang puwesto ang dalawa pang UP Manila students na sina Jian Leal at Geremiah Llanes.
Pareho silang nakakuha ng 87.42 percent.
Kaibigan nina Jian at Geremiah si Ian.
Laking tuwa ni Geremiah nang madiskubreng ang kaibigang si Ian ang nag-top 1.
Kuwento ni Geremiah, “Nagsabi na po ako sa pamilya ko, ‘O, pumasa ako.’ So, after po noon, ‘Sige, check ko kung sino yung nag-top.’
“So, binuksan ko po yung document [list of passers] ‘tapos sabi ko lang, ‘Talaga? What?!’ As in, di po ako makapaniwala.
"As in, kaming tatlo na magkakaibigan yung nandoon sa Top 2 na spots.”
Para naman kay Jian, hindi lang patong-patong ang naramdaman niyang saya na silang tatlong magkakaibigan ang nanguna.
“The fact na hindi lang po ako… nakasama ko po si Ge [Geremiah] at si Ian na nasa top, parang nag-times two po, o times three yung saya…”
Ibinigay sa mga medical students ang Physician Licensure Exam noong October.
Sa 2,302 na kumuha ng exam, 1,677 ang nakapasa.
Samantala, nabanggit din ng Top 1 na si Ian na wala siyang balak mag-abroad ngayong licensed physician na siya.
Bilang graduate ng UP Manila, plano niyang magturo muna as a way to give back.
“As scholar, sa kanila po galing ito. So, we have to really give back.”
Use these Nike promo codes when you shop or order online. Marami pang ibang coupons dito.