May bagong chief executive officer (CEO) ang Miss Universe Organization (MUO) ilang araw bago magsidatingan ang mga kandidata para sa 74th Miss Universe sa Thailand.
Itinalagang kapalit ni Anne Jakrajutatip si Mario Búcaro, ang dating vice president for international relations ng MUO.
Bumaba si Anne sa puwesto noong June 20, 2025 matapos ang ginawang pagsasaayos ng board of directors ng JKN Global Group sa Thailand.
Nagpasalamat ang MUO sa serbisyo ni Anne sa grupo kung saan nagpakita raw ito ng "leadership and dedication," na nagpapatibay sa "global presence and commitment to inclusion and diversity" ng kanilang organisasyon.
Sa ngayon, naka-focus daw ang atensiyon ni Anne sa kanyang pamilya.
Read: Anne Jakrajutatip, inaasahang magbibitiw na sa Miss Universe
WHO IS MARIO Búcaro, THE NEW MISS UNIVERSE CEO?
Si Mario Búcaro ay nagsilbing vice president for international relations ng MUO mula January 2024.
Malawak ang kanyang kaalaman sa international diplomacy, public service, at organizational leadership.
Isa rin siyang diplomat at nagsilbing ambassador ng Guatemala sa Israel at Mexico.
Siya rin ang concurrent ambassador ng Guatemala sa Bulgaria at Cyprus.
Kamakailan lamang, siya ay itinalagang Minister of Foreign Affairs ng Guatemala at kinilala sa kanyang husay sa "conflict resolution, multilateral relations, and advancing national interests on the global stage."
Sa loob ng kanyang panunungkulan sa MUO, inumpisahan niya ang "Beyond the Crown" initiative na nagtataguyod ng "women’s leadership, education, entrepreneurship, and social impact beyond the competition."
Dahil na rin sa kanyang serbisyo, lumaganap ang presensiya ng Miss Universe sa lagpas sa 130 bansa.
Bilang bagong CEO ng organisasyon, "Mr. Búcaro will reinforce MUO’s commitment to excellence and inclusivity while enhancing its global outreach."
Dagdag pa sa pahayag: "His leadership will focus on strengthening international collaborations, expanding the organization’s presence across the Americas, Europe, Asia, the Caribbean, and Africa, and enriching the candidate experience while upholding integrity and fairness.
"He will also work to amplify the organization’s social impact initiatives, empowering women and fostering leadership development through innovation, social responsibility, and global engagement programs."
October 2022 nang mabili ng JKN Global Group ang Miss Universe Organization.
Read: JKN stock shares go up after Miss Universe acquisition