Pumanaw na si Ozzy Osbourne, ang legendary rock star at lead vocalist ng iconic heavy metal band na Black Sabbath.
Binawian ng buhay ang British singer na tinaguriang "Prince of Darkness" ng music industry nitong Martes, Hulyo 22, 2025.
Siya ay 76.
Read: Jake Ejercito, Jessy Mendiola, netizens not amused by DILG post
Kinumpirma ng pamilya ni Ozzy ang kanyang pagpanaw sa pamamagitan ng isang official statement.
Nakasaad dito: "It is with more sadness than mere words can convey that we have to report that our beloved Ozzy Osbourne has passed away this morning.
"He was with his family and surrounded by love. We ask everyone to respect our family privacy at this time.”
Hindi ibinahagi sa statement ang sanhi ng pagkamatay ni Ozzy, ngunit hindi lingid sa kaalaman ng publiko na nagkaroon siya ng iba't ibang sakit at na-diagnose din siyang may Parkinson's disease.
Naulila ni Ozzy ang kanyang asawa, ang English-American TV personality, The X Factor at America’s Got Talent judge na si Sharon Osbourne; at ang kanilang mga anak na sina Jack, Kelly, Aimee, at Louis.
Read: Sol Aragones, Jonvic Remulla umani ng batikos mula sa netizens sa gitna ng kalamidad
ROCK LEGEND
Bukod sa pagiging lead vocalist ng Black Sabbath, si Ozzy ay founding member ng bandang sumikat nang husto noong dekada '70 hanggang '80.
Kabilang sa mga pinasikat na kanta ng Black Sabbath ang "Paranoid," "Iron Man," "Changes," "Sabbath Blody Sabbath," "I Don't Know," "Crazy Train," "Mr. Crowley," at "Diary of A Madman."
Nang tumiwalag si Ozzy sa Black Sabbath, nanatili ang kanyang popularidad bilang solo artist.
Pinarangalan siya sa Rock and Roll Hall of Fame, at UK Music Hall of Fame. Tumanggap din siya ng Global Icon Award mula sa Europe Music Awards noong 2014.
Binigyan din si Ozzy ng sariling bituin sa Hollywood Walk of Fame at Birmingham Walk of Stars.
Napanatili ni Ozzy ang kasikatan nang magbida sila ng kanyang pamilya sa The Osbournes, ang reality show na napanood sa MTV mula 2002 hanggang 2005.
Read: GMA News reporter Bernadette Reyes, sinagot ang bastos na netizen
CONTROVERSY ON OZZY OSBOURNE'S DEATH
Nagkaroon ng kontrobersiya tungkol sa pagpanaw ni Ozzy nang lumutang ang balitang may kinalaman ang euthanasia sa kanyang pagkamatay dahil sa rebelasyon ni Sharon sa memoir nito noong 2007, ang Survivor: My Story – The Next Chapter.
Sinabi rito ni Sharon na hiningi nila ng kanyang asawa ang tulong ng Dignitas, ang Swiss assisted-suicide organization, kung sakaling magkaroon sila ng dementia, dahil Alzheimer’s disease ang ikinamatay ng tatay ni Sharon na si Don Arden.
Sa isang artikulo ng Daily Mirror noong Setyembre 2017, inilahad ni Sharon na naniniwala siya sa euthanasia.
Pahayag niya: “Ozzy and I have absolutely come to the same decision.
"We believe 100 percent in euthanasia so have drawn up plans to go to the assisted suicide flat in Switzerland if we ever have an illness that affects our brains.
"If Ozzy or I ever got Alzheimer's, that's it—we'd be off.
“I saw my father suffer from the day he came back into my life in 2002 to the day he died in July.
"There's no way I could go through what he did, or put my kids through that.”
Ilang araw bago namayapa si Ozzy, mahigpit na pinabulaanan ng kanyang anak na si Kelly Osbourne ang balitang mamamatay na ang ama niya dahil sa isang video na kumalat.
Iginiit ni Kelly na AI ang video na lumabas.
Galit na galit na sabi niya: “What the f**k is wrong with you people? Why would you spend your time making a video like this?
“He's not dying. Yes, he has Parkinson's, and yes, his mobility is completely different than it used to be, but he's not dying. What is wrong with you?”
May reaksiyon din si Kelly sa suicide-pact claim noon ng kanyang ina.
“That was bulls**t my mom said to get attention one time. And my dad’s not dying,” paglilinaw ni Kelly noong Hulyo 11, 2025, labing-isang araw bago yumao ang kanyang ama.
Read: GMA News reporter Nico Waje brings kilig vibes to netizens for his typhoon updates