Isang male Korean YouTuber na naninirahan sa Pilipinas ang kinokondena ngayon sa South Korea matapos mag-post ng videos na bumibili at umiinom ng breastmilk ng mga Pinay mommies.
Ibinunyag ito ng panggabing newscast sa JTBC News, isang South Korean television network, nitong May 9, 2025.
Hindi isinapubliko ang pagkakakilanlan sa Korean YouTuber, gayundin ang tawag sa kanyang YouTube channel.
Pero ayon sa newscast, mayroon siyang mahigit 4.5 million followers sa social media.
Walong taon na rin siyang vlogger at nakapag-upload na sa kanyang channel ng mahigit 4,000 videos—30 sa mga ito ay tungkol sa mga naging transaksiyon niya sa mga Pinay mommies na willing magbenta ng kanilang breastmilk.
Read: Stir-fried cassia caterpillars, Vietnam’s exotic food
WHY THE KOREAN YOUTUBER BUYS BREASTMILK
Sa ipinakitang screen grab, tinakpan ang mukha ng vlogger habang kausap ang mga Pinay mommies na nagbi-breastfeed.
Inaalok niya raw ng PHP500 ang bawat nanay na gustong bentahan siya ng breast milk.
Kung minsan, sa batang dumedede inaabot ng vlogger ang pera.
Pagkatapos, iniinom niya on the spot ang breastmilk, na ayon sa kanya ay fresh and healthy.
Sa ibang video, ayon pa rin sa newscast, hinahaluan ng Korean YouTuber ng alcohol ang breast milk para sa mukbang.
Pero ang nakababahala, kitang-kita ang mukha ng mga nanay at mga bata sa mga videos.
At ang sabi sa ulat, mistulang sexual exploitation ito at pinagkakakitaan ang kahirapan ng mga Pinay mommies na nagbebenta ng breastmilk.
Nakapanayam ng JTBC News ang Korean YouTuber.
Ipinagtanggol nito ang ginagawa, at ikinumpara pa ang sarili kay Santa Claus.
Ang claim pa niya: nakakatulong ang mga videos sa local community.
“I just wanted to support the mothers and their children by paying for the milk since they have no work there.
“I am like Santa Claus or a kind uncle who helps those in need.”
Pagmamalaki pa ng Korean YouTuber, “I am very popular in the Philippines.”
Itinanggi rin nitong may sexual intent ang pagbili at pag-inom niya ng breast milk.
Para lang umano iyon sa personal health reasons, at walang kinalaman sa “cultural difference.”
Read: Man lives by eating 2 slices of toasted bread with butter daily
SOUTH KOREANS CONDEMN THE VLOGGER
Hindi sinang-ayunan ni Kim Eun-bae, former head ng International Criminal Investigation Unit ng Seoul Metropolitan Police Agency sa South Korea, ang katwiran ng Korean YouTuber.
Ayon kay Kim: “Handing money to the child instead of the mother undermines the dignity of both the mothers and their children.
“This behavior risks encouraging further exploitation and damages South Korea’s image globally.”
Nabatikos din ng mga kapwa South Koreans ang vlogger.
Ayon sa isang netizen, “This is a complete joke. Stop mocking and making fun of poor people.”
Sambit ng isa pa, "Sanctions against this type of content are needed so as not to damage the image of Koreans."
Paalala naman ng isang panelist ng JTBC News sa Korean YouTuber, “Well, if you really want to help, just give money. What the heck is this?”
Read: Parrot witnesses crime; mimics murder victim’s last words
HEALTH RISKS OF DRINKING UNREGULATED BREASTMILK
Samantala, may mga bumibili ng unregulated breastmilk sa China for personal consumption.
Itinuturing nila ang gatas ng ina bilang isang health tonic.
May tradisyunal ding paniniwala sa China na ang gatas ng ina ay isang masustansiyang inumin para sa mga taong may sakit at makatutulong sa mabilis nilang paggaling.
Gayunpaman, sa kabila ng mga health benefits nito sa babies, ang ilegal na pagbili at pagkonsumo ng breast milk ay posibleng magdulot ng seryosong panganib sa kalusugan.
May posibilidad kasing maisalin sa iinom ang mga nakahahawang sakit gaya ng HIV at hepatitis B.
Read: “Marites” na kapitbahay, naging susi sa pag-rescue sa 3 bata