Isa na namang Korean celebrity ang pumanaw.
Ito ay ang sikat na yoga instructor sa South Korea na si Lee Yoo Joo.
Nitong Miyerkules, February 19, 2025, nag-post sa Instagram ang yoga studio ni Lee Yoo Joo, ang Yogaum, para isapubliko ang malungkot na balita tungkol sa pagpanaw ng yoga instructor.
Ayon sa post, sumakabilang-buhay si Lee Yoo Joo noong February 18.
Siya ay 35.
Hindi binanggit ang dahilan ng kanyang pagkamatay.
Kalakip ang litrato ni Lee Yoo Joo, mababasa sa kanilang post (ayon sa English translation ng google): "Teacher Lee Joo passed away yesterday (February 18th).
"According to the wishes of the bereaved families, the funeral and the funeral will not be arranged separately and the space to say the last goodbyes will be held until this Friday at the yogaum run by teacher Yooju.
"Please pray that the soul of teacher Lee Yu-joo, who brightened the world with her special talent, can rest in peace."
Read: South Korean actress Kim Sae-ron passes away at 24
LEE YOO JOO ALLEGED CRYPTIC POST
Bagamat wala pang sinasabing dahilan sa pagkamatay ni Lee Yoo Joo, marami sa kanyang tagahanga ang ngayo'y nagluluksa at hindi makapaniwala sa nangyari.
Lalo pa't dalawang araw lamang bago ang kanyang pagpanaw ay nag-post pa sa Instagram si Lee Yoo Joo ng kanyang larawan habang siya'y nasa loob ng sasakyan.
Read: Kim Sae Ron's cause of death revealed
Ang ipinagtataka ng kanyang fans ay ang inilagay niyang caption dito: "Bye."
Tila may iba raw kasi itong kahulugan.
May iba pang nagsasabing baka pahiwatig ito na huling araw na niya sa mundo.
Bilang isang sikat na yoga instructor, madalas ma-feature si Lee Yoo Joo sa iba't ibang TV shows. Kabilang na rito ang defunct reality show na Infinite Challenge.
Read: GONE TOO SOON: Korean stars who died young
Para sa mga nangangailangan ng kausap at tulong dahil sa kanilang mental health issues, tumawag lamang sa National Center for Mental Health Crisis Hotline: 1553, Landline (02) 7-989-8727 at cellphone number 0966-351-4518.