Nagluluksa ngayong ang music industry dahil sa pagpanaw ng American record producer, songwriter, composer, arranger, film at TV producer na si Quincy Jones.
Binawian ng buhay si Jones sa kanyang tahanan sa Bel-Air, California, USA, nitong Linggo, Nobyembre 3, 2024.
Siya ay 91.
Read: Liam Payne, former One Direction member, dies in Argentina at 31
Kinumpirma ni Arnold Robinson, ang tagapagsalita ng pamilya ni Jones, sa pamamagitan ng isang opisyal na pahayag, ang pagpanaw ng legendary musician.
Pero hindi niya sinabi ang sanhi ng pagkamatay ng yumao.
Nakasaad sa statement: “Tonight, with full but broken hearts, we must share the news of our father and brother Quincy Jones’ passing.
“And although this is an incredible loss for our family, we celebrate the great life that he lived and know there will never be another like him.
“He is truly one of a kind and we will miss him dearly; we take comfort and immense pride in knowing that the love and joy, that were the essence of his being, was shared with the world through all that he created.
“Through his music and his boundless love, Quincy Jones’ heart will beat for eternity.”
Read: Korean veteran actress Kim Soo Mi dies at 75
THE LEGENDARY MUSICIAN
Isinilang si Jones noong Marso 14, 1933.
Tumagal ng pitong dekada ang career niya na nagbigay sa kanya ng 28 Grammy Awards at Grammy Legend Award noong 1992.
Ang mga hindi matatawarang ambag ni Jones sa musika ang dahilan kaya ipinagluluksa ang kanyang paglisan.
Para sa karamihan, isa sa pinakamalaking kontribusyon ni Jones sa industriya ng musika ang pagsasanib-puwersa nila ni Michael Jackson noong 1979.
Read: Michael Jackson dies of cardiac arrest
Si Jones ang producer ng Off the Wall, isa sa mga pinakamabentang album ng yumaong King of Pop. Dalawampung milyong kopya nito ang naibenta sa buong mundo.
Si Jones din ang producer ng Thriller (1992), isa pa rin sa mga pinakamatagumpay na album ni Jackson.
Ang "Thriller," "Billie Jean," "Beat It," at "This Girl is Mine" ang ilan sa mga popular na kanta ni Jackson na mapapakinggan sa Thriller album.
Si Jones din ang producer ng "We Are the World," ang charity single na isa sa mga mahalagang kontribusyon niya sa mundo ng musika noong 1985.
Ang "We Are the World," na isinulat nina Michael Jackson at Lionel Richie, ang awit na nilikha para makalikom ng salapi na itinulong para sa mamamayan ng Ethiopia na biktima noon ng famine.