Namayapa ang multi-awarded American actor, country singer, at songwriter na si Kris Kristofferson sa kanyang tahanan sa Maui, Hawaii, noong Setyembre 28, 2024.
Siya ay 88.
Read: Oscar-winning actress Maggie Smith dead at 89
Kinumpirma ng pamilya ni Kristofferson, sa pamamagitan ng opisyal na pahayag mula sa kanilang spokesperson na si Ebie McFarland, ang pagpanaw ng influential singer-actor.
Nakasaad sa official statement: “It is with a heavy heart that we share the news our husband/father/grandfather, Kris Kristofferson, passed away peacefully on Saturday, September 28 at home.
“We’re all so blessed for our time with him. Thank you for loving him all these many years, and when you see a rainbow, know he’s smiling down at us all.”
Humiling ng pribadong pagluluksa ang pamilya ni Kristofferson.
Si Kristofferson ang may likha ng mga sikat na kanta tulad ng "Help Me Make It Through the Night," "Me and Bobby McGee," at "For the Good Times."
Read: OPM folk singer Coritha dies
KRIS KRISTOFFERSON'S CAREER
Nag-umpisa noong dekada ’60 ang karera sa musika ni Kristofferson.
Karamihan sa mga kanta niya ay pinasikat ng ibang mga mang-aawit gaya nina Janis Joplin ("Me and Bobby McGee") at Ray Price ("For The Good Times").
Hindi lamang mang-aawit si Kristofferson dahil kinikilala rin ang kanyang husay sa pag-arte.
Si Kristofferson ang tumanggap ng Best Performance in a Motion Picture Comedy or Musical award sa 34th Globe Globe Awards na ginanap noong 1977 para sa kanyang pagganap sa remake ng A Star Is Born na pinagbidahan nila ni Barbra Streisand.
Ang Pat Garrett and Billy the Kid (1973), Blume in Love (1973), Alice Doesn’t Live Here Anymore (1974), Heaven’s Gate (1980), at Stagecoach (1986) ang ilan sa mga pelikulang ginawa ni Kristofferson noong aktibo pa siya sa pag-arte.
Napanood din si Kristofferson bilang Whistler sa mga action movie ni Wesley Snipes, ang Blade (1998), Blade II (2002), at Blade: Trilogy (2004).
Ang kapwa country singer na si Dolly Parton ang isa sa mga unang nagpahatid ng mensahe ng pakikiramay sa pagpanaw ni Kristofferson.
Sa kanyang maiksi pero tagos sa pusong social media post, sinabi ni Parton, “What a great loss, what a great writer, what a great actor, what a great friend. I will always love you.”