[Trigger Warning: Murder & Violence]
Karumal-dumal ang sinapit ng isang former beauty queen sa Switzerland sa kamay mismo ng kanyang asawa.
Sinakal, pinira-piraso ang katawan, nilagay at tinunaw sa blender ang body parts ng biktima—batay sa resulta ng imbestigasyon.
Nangyari ang krimen noon pang February 13, 2024, pero patuloy na nahaharap sa murder trial ang asawang lalaki na siyang akusado.
Kamakailan lamang, ibinasura ng korte ang kanyang apelang makalaya.
Ibinalita na rin sa local news media na inamin na ng lalaki sa public prosecutors ang kanyang ginawang krimen.
Sa ulat, hindi binanggit ang identity ng mga sangkot.
Subalit sa iba pang foreign news outlets, kinilala na ang former Swiss beauty queen.
Ang biktima ay si Kristina Joksimovic, 38, isang model at catwalk coach.
Naging finalist siya sa Miss Switzerland 2007, at siya ang kinatawan bilang Miss Northwest Switzerland sa naturang national pageant.
Ayon sa reports, ang lalaki ay isang entrepreneur na may history ng pagiging violent.
Ang mag-asawa ay ikinasal noong 2017 at mayroong dalawang anak na babae.
Read: TikToker gets double life imprisonment for murder of Pinay wife
Read: Fil-American nurse, natagpuang patay ilang araw matapos ikasal
THE GRUESOME MURDER
Sa autopsy report, lumabas na sinakal ang biktima, pagkatapos ay pinagpira-piraso ang katawan sa laundry room gamit ang “jigsaw powerful tool, knife and garden shears.”
Ulat pa ng FM1 Today, “Several body parts were then chopped up with a hand blender, ‘pureed’ and dissolved in a chemical.”
Sa harap ng korte, sinabi ng akusado na pinaslang niya ang asawa dahil sinugod umano siya nito gamit ang kutsilyo.
Self-defense umano ang ginawa ng lalaki.
Sinabi ng akusado na natagpuan niya ang katawan ng misis niya sa laundry room.
Pinagpira-piraso umano niya ang katawan “in a panic.”
Pero ang depensa ng akusado na self-defense ang kanyang ginawa ay taliwas sa resulta ng medical-forensic report.
Batay sa imbestigasyon, ang akusado ay nagpamalas ng "conspicuously high level of criminal energy, lack of empathy and cold-bloodedness after killing his wife."
Binanggit pa rito ang tangka ng akusado na itago ang kanyang krimen.
Nito lamang September 9, 2024, nagkaroon ng update ukol sa murder trial ng akusado.
Ibinasura ng korte ang apela ng akusado na mapakawalan mula sa kustodiya ng Basel-Landschaft Coercive Measures Court.
Hindi tinukoy kung ano ang pinag-ugatan ng krimen, pero nabanggit na ilang buwan nang nasa state of “crisis” ang pagsasama ng mag-asawa bago nangyari ang krimen.