Isang “perfect revenge story” ang paglalarawan ng netizens sa kuwento ng female customer na binalikan at ginantihan ang staff ng high-end fashion brand sa pang-iisnab umano nila.
Ipinost ng Chinese woman ang kanyang revenge story sa Xiaohongshu, ang tinaguriang “Chinese Instagram.”
Pakiramdam daw ng customer, inisnab siya ng staff ng Louis Vuitton (LV) outlet nang magtungo at pumasok siya sa luxury fashion store.
Hindi pinalampas ng customer ang sinasabing pang-iisnab sa kanya ng staff at ginantihan sila, ulat ng South China Morning Post noong August 22, 2024.
Ang customer na may account name na @xiaomayouren ay nagkaroon ng “nakakapanggigil” na karanasan sa LV outlet na nasa StarLight Place shopping centre sa Chongqing, sa southwestern China. Nangyari raw ito noong June 2024.
Paglalahad ng customer sa post, pumasok siya sa LV store para mamili ng mga damit. May bitbit pa siyang Hermès handbag.
Napansin daw niyang sinasadya siyang hindi pansinin ng staff ng store.
Humingi pa nga raw siya ng drinking water, pero animo'y walang narinig ang staff.
Isa sa perks ng luxury stores para sa kanilang valued customers ay ang pagbibigay ng drinks sa mga ito.
Gusto rin daw sana ng customer na makita ang items na new arrivals, pero ang itinuro sa kanya ay mga lumang stock ng garments.
Namasid din daw niyang inirapan siya at pinakitaan ng di maganda ng staff nang magtanong siya ng mga damit na puwede niyang isukat.
Umalis na lamang ang customer.
Tumawag siya sa “headquarters” ng brand para ireklamo ang di magandang trato sa kanya, pero hindi raw pinansin ang kanyang reklamo.
Subalit hindi pinalampas ng customer ang aniya'y hindi magandang trato sa kanya sa luxury shop.
Makalipas ang dalawang buwan, bumalik siya sa store at gumanti sa staff.
Read: Louis Vuitton employee receives LV bag worth PHP43,000 as Christmas gift
CUSTOMER TAKES REVENGE
Pagbalik ng female customer sa shop after two months, kasama niya ang kanyang personal assistant at isang kaibigan.
Bitbit din niya ang isang bag na naglalaman ng 600,000 yuan o US$84,000 (PHP4.7 million).
Nagsukat sila ng mga damit at pumili ng mga gustong bilhin, ayon sa report.
Pagdating sa counter, inilapag ng female customer ang bag na puno ng bank notes at pinabilang ito sa shop assistants.
Inabot ng halos dalawang oras ang shop assistants sa pagbibilang ng pera.
Matapos mabilang ang pera, sinabi ng customer na hindi na sila bibili at aalis na sila.
Hayag ng customer sa kanyang post, “After they finished counting it, I just took away my money and left. How is it possible for me to buy their products to improve their work performance?”
Nag-viral ang post na ito ng female customer. Bumuhos ang maraming reactions online.
At this writing, wala pang ipino-post na reaction ang LV sa viral post ng female customer.
Read: Former Louis Vuitton employee gives tips how to spot fake LV bag
NETIZENS REACT TO SNUBBING INCIDENT
Magkakaiba ang reactions ng netizens.
Marami ang natuwa at pinuri ang ginawa ng female customer. Halatang sang-ayon ang ibang netizens sa hindi pagpayag ng customer na maliitin siya.
“Love this, they’d obviously judged the person’s worth based on how they looked,” papuri ng isa.
“Well done!!!! Most of the staff believe they own LV but at the end they can also just be sitting at a Wal Mart cashier.”
Mungkahi ng isa pa, “Should have gone back there with that amount in coins.”
“Perfect revenge story,” komento ng isa pa.
May ilan naman ang nagbahagi ng naging bad experiences nila mula sa staff ng luxury brand shops.
Anang isa, “From experience, some of the staff really deserve that.
“I made one of them try every scarf in the shop in different ways because she acted so superior.”
Komento ng isa pa (published as is), “That Same thing happened to me at [name of a luxury brand].”
May ilan naman na tinawag na “petty” ang ginawa ng customer at hindi sang-ayon sa inasal nito.
May ilan namang netizens ang nagbahagi na marketing “tactic” ito ng high-end brands para makabenta.
Komento ng netizen (published as is): “Being rude is a sales tactic that gets customer to buy more.
“In this case although the customer didn’t by anything she still wanted to return to prove her worth/seek validation.”
Ang huling comment ay hindi na bagong obserbasyon.
Tulad na lamang ng ibinahagi ng aktres na si Diana Zubiri sa isang vlog noong December 2023.
Kuwento ng aktres, hindi raw sila inasikaso sa isang luxury shop sa Australia dahil pakiramdam nila ay hindi sila nakadamit nang magara.
Makalipas ang ilang araw ay bumalik pa si Diana sa shop at nag-ayos ng bihis para makita kung magbabago ang trato sa kanya ng staff.
Read: Diana Zubiri walks out of luxury shop; cries discrimination
Ayon sa ilang essays ng foreign publications, marketing strategy ng high-end brands ang maging snobbish para idiin ang pagiging “sosyal” ng kanilang products.
Umuubra naman ito sa ibang customers na pakiramdam ay minaliit ang kapasidad matapos pumasok sa shop at makaramdam ng pang-iisnab mula sa staff.
Bumibili sila para igiit na “afford” nilang bumili, at deserve nila ng mas magandang treatment.
Pero sa huli, ang mga negosyo pa rin ang nanalo dahil nakabenta sila.