May parusang maaaring ipataw sa North Korean athletes dahil sa pakikipag-selfie nila sa mga South Korean athletes noong ganapin ang Paris Olympics 2024 sa France.
Ang naturang selfie ay kuha matapos ang table tennis mixed doubles awarding ceremony sa medal podium noong July 31, 2024.
Bronze ang nakuha ng South Korea habang silver naman ang sa North Korea, at gold ang napanalunan ng China.
Matapos ang sabitan ng medals, kinuha ng South Korean athlete Lim Jong-hoon ang kanyang Samsung mobile phone, isang South Korean brand.
Nag-selfie si Jong-hoon kasama ang kapwa podium finishers. Nag-viral ito.
Pero magiging mitsa pala ang selfie na ito sa mga North Korean table tennis athletes dahil isinailalim sila sa imbestigasyon pagkauwi nila noong August 15, 2024.
Ang South Korea at North Korea ay magkalabang bansa.
READ: What is inside the box given to medalists at 2024 Paris Olympics?
READ: Here's how much the Paris Olympics 2024 cost
north korean athletes may face possible PUNISHMENT
Ayon sa South Korean online newspaper na Daily NK, nagsasagawa ng “three-stage evaluation" sa mga North Korean athletes sa Pyongyang, ang capital ng bansa.
Ang tatlong stages ay pangangasiwaan ng “Central Party, Ministry of Sports, and their own evaluation.”
Nakalap ng Daily NK mula sa isang high-ranking source kailangang mag-“ideological reflection” ang mga atleta.
Sabi pa umano ng source, “The moment the players return home, the review process begins,” kasunod ay “they are ‘cleansing’ their ideology as quickly as possible.”
Ipinaliwanag sa Daily NK report na ang “cleansing their ideology” ay kailangan dahil sa paniwala ng North Korean government na ang pagpunta at pananatili sa abroad ay “act of exposure to non-socialist culture, a so-called contaminated act.”
Ang trabaho ng Central Party ay aralin at kilatisin ang entire process ng pag-alis at pagbalik ng mga atleta.
Kapag napatunayang lumabag sila sa direktiba o education campaigns noong Olympics, maaari silang maparusahan.
Ayon sa report, binigyan ng specific instructions ang mga North Korean athletes na huwag makihalubilo sa ibang atleta, gaya ng South Koreans.
Maaari silang patawan ng penalties kapag napatunayang may paglabag.
Noong Olympics, ipinatupad ang “victory selfie” kunsaan pinapayagan ang mga medalists na mag-selfie sa podium gamit ang Samsung Galaxy Z Flip 6 Olympic Edition.
Ayon sa source, ang pagngiti ng mga North Korean athletes sa selfie ay grounds na nilabag ang ang ibinigay sa kanilang instructions, lalo pa't nakasama nila ang South Koreans na itinuturing na “number one enemy state" ng North Korea.
Nakakuha rin ng pansin ang North Korean swimmer na si Kim Mi-rae na nakasungkit ng gold sa 10m platform diving event.
Nakasama rin siya sa selfie katabi ang iba pang atleta, pero noong nag-selfie ang mga medalists mula sa China, iniwasan ng North Korean swimmer na hawakan ang South Korean brand mobile phone.
Hindi pa tiyak kung mahaharap siya sa parusa.
Sinabi ng Daily NK na kung hindi man maparusahan ang mga atleta ay baka mabigyan lamang sila ng warning bilang mild form na pangangaral.
Ayon sa North Korean source: "Athletes who had contact with foreign athletes, such as taking selfies, must strongly reflect on their mistakes in self-criticism sessions to avoid future political or administrative punishments."
Ang North Korea at South Korea ay sangkot sa long-standing Korean conflict, kunsaan ang parehong bansa ay iginigiit na sila ang “sole legitimate government of all of Korea.”