Handa at excited nang magbalik-Pilipinas ang K-pop supergroup na Stray Kids para sa kanilang dominATE tour concert sa Philippine Arena sa Bulacan sa November 23, 2024.
Sa inilabas na video ng Live Nation Philippines nitong Miyerkules, August 14, 2024, makikita ang Stray Kids members na sina Bang Chan, Lee Know, Changbin, Hyunjin, Han, Felix, Seungmin, at I.N na iniimbitahan ang kanilang Pinoy STAYs (tawag sa kanilang fandom) sa kanilang upcoming concert.
Read: Stray Kids Met Gala debut marred by "offensive" remarks from photogs
Bungad nilang bati, "STAY! Mabuhay! We are Stray Kids."
"We have exciting news for all our amazing STAY in the Philippines," ani Han.
Masayang pag-anunsiyo ng leader na si Bang Chan, "On November 23, we will be performing at the Philippine Arena for our Stray Kids World Tour DominATE Bulacan."
Pagbabahagi naman ni Seungmin, ngayon pa lang ay excited na silang makita ang kanilang Filipino fans at mag-perform muli sa harap ng mga ito.
Saad ni Felix, "We've been working really hard to prepare something special just for you guys.
"So make sure to mark your calendars and get ready for an epic show."
Sisiguraduhin din daw nilang magiging masaya at memorable ang muli nilang pagbabalik-bansa.
Sabi ni Bang Chan, "It's gonna be a night full of incredible music, amazing performances, and lots of fun. Let's make unforgettable memories together, STAY."
Dagdag pa ni Changbin sa wikang Filipino, "Kitakits, STAY! Mahal namin kayo!"
Read: Kathryn Bernardo's first impression of Stray Kids leaves fan-director Petersen Vargas in laughter
STRAY KIDS PH CONCERT: TICKET DETAILS
Para sa concert tickets, nagsimula na ang pre-selling nitong Martes, August 13.
Habang sa Huwebes, August 15, naman magsisimula ang general selling sa SM Tickets.
Narito ang sampung ticketed sections: Upper Box D (PHP2,000), Upper Box C (PHP4,000), Upper Box B (PHP5,750), Upper Box A (PHP7,500), LBB Regular (PHP8,500), LBB Premium (PHP9,500), LBA Regular (PHP10,500), LBA Premium (PHP11,500), VIP Soundcheck LBA (PHP16,000), and VIP Soundcheck Floor (PHP16,500).
Read: K-pop boy band Stray Kids learns Filipino phrases ahead of Manila concert
Samantala, ito na ang ika-apat na beses magpupunta sa Pilipinas ang Stray Kids.
December 2023, kasama silang dumalo sa Asia Artist Awards na ginanap din sa Philippine Arena.
Noong March 2023, matagumpay nilang idinaso ang kanilang two-night MANIAC concert noong March 2023
Una silang bumisita sa Pilipinas noong April 2019 para sa kanilang Unveil Tour "I am…"
Read: New Jeans, Stray Kids, K-drama stars arrive in Manila for AAA 2023