Isang lalaki sa Indonesia ang napikon at nairita sa walang humpay na pagtatanong ng kapitbahay tungkol sa kanyang single status.
Sukdulan ang naramdamang galit kaya pinatay niya ito.
Naganap ang krimen noong July 29, 2024 sa South Tapanuli, na sakop ng North Sumatra.
Read: Heartbroken guy, 24, looks older after 5 months in the mountains
Read: YouTuber launches fake restaurant to prank influencers
Ayon sa mga ulat ng Indonesian local media, pumunta ang 45 anyos na si Parlindungan Siregar sa bahay ni Asgim Irianto, isang 60-year-old retired civil servant bandang alas otso ng gabi.
Walang kaabug-abog na pinagpapalo ni Parlindungan si Asgim ng dala-dalang piraso ng tabla.
Read: Rihanna grants a boy's request: take his photo with football star
MISIS NG BIKTIMA NASAKSIHAN ANG KRIMEN
Batay pa rin sa ulat na nakalap ng local media, sinabi ni Assistant Police Commissioner Maria Marpaung na ang mga detalye ng pag-atake ni Parlindungan kay Asgim ay batay sa nasaksihan at ibinigay na mga pahayag ng misis ng biktima.
Habang pinapalo umano ni Parlindungan si Asgim ng dala-dalang piraso ng tabla, nagawa ng biktima na makatakbo palabas ng bahay.
Pero hinabol pa rin ng suspek, at pinalo nito ang ulo ng biktima nang pagkalakas-lakas.
Natumba si Asgim, pero hindi na ito tinantanan ni Parlindungan ng palo.
Read: Meet the sleepless seamstress who has not slept in three decades
PANGUNGULIT TUNGKOL SA PERSONAL NA BUHAY NG SUSPEK ANG UGAT NG KRIMEN
Nagawang sumaklolo ng mga kapitbahay at naawat si Parlindungan sa pag-atake kay Asgim.
Dinala nila ito sa ospital, ngunit binawian na rin ng buhay habang nasa daan.
Ayon sa police commissioner, naaresto si Parlindungan ng mga awtoridad isang oras matapos nitong mapatay si Asgim.
Read: VIRAL: Teacher climbs flagpole to secure flag knot
Nang tanungin kung bakit nagawa ang krimen, inamin ng suspek na determinado siyang patayin ang biktima.
Nasasaktan umano ang kanyang kalooban sa palagiang pag-uusisa nitokung bakit hindi pa siya nag-aasawa.
Bago ang insidente, napag-alamang nagkaroon na ng argumento ang dalawa tungkol naman sa kani-kanilang alagang manok.
Pumapasok umano ang mga alagang manok ni Parlindungan sa bakuran ni Asgim—at ganun din naman ang mga alaga ng biktima sa bakuran ng suspek.
Read: Couple in open relationship welcomes wife's BF into their home