Isang cute na insidente ang naganap nang mag-meet ang international pop star na si Rihanna at ang English professional footballer na si Jack Grealish, star player ng Manchester City, last July 31, 2024 sa New York City.
Nasa New York si Rihanna para manood ng pre-season friendly match sa pagitan ng Manchester City at AC Milan.
Nakasuot ang international pop star ng sports cap at oversized T-shirt mula sa kanyang Fenty line.
Read: Taylor Swift joins Jay-Z, Rihanna, other celebs on Forbes Billionaires List
Sa video na ini-upload ng Fenty Headlines sa X (formerly Twitter), makikita si Rihanna na nagpapakuha ng picture kasama si Grealish at ang mga AC Milan players na sina Christian Pulisic at Yunus Musah.
Saglit pa, isang batang lalaki—na obviously ay fan ni Grealish—ang lumapit sa grupo.
Casual na iniabot ng batang lalaki kay Rihanna ang kanyang smartphone, at nagsabing kunan siya ng picture kasama ang football player.
Read: Barbie Forteza follows Rihanna's makeup tip
Hindi nakilala—o walang idea—ang batang lalaki na ang hinilingan niya na kumuha ng picture ay bilyonaryang international pop star.
Cool lang at game na game naman si Rihanna sa request ng bagets.
Humanap pa ng magandang puwesto ang international pop star para makunan ng magandang anggulo ang batang lalaki at ang idol nitong football star at iba pang players.
Tinawag din ni Rihanna ang iba pang bata para sumama sa picture taking.
RIHANNA PINURI NG NETIZENS SA PAGIGING COOL
Ikinatuwa ng netizens ang naging gesture ni Rihanna.
Ayon sa isang nagkomento sa video, cute ang eksenang casual na casual na iniabot ng batang lalaki ang smartphone nito.
“I'm sure she appreciated it, too. She seemed like she liked directing them to pose to get the shot.”
Read: Rihanna wears a Michael Cinco gown for magazine shoot
Sambit ng isa pa, mahahalatang enjoy si Rihanna sa pag-obliga sa request ng bata, at mukhang masaya ang lahat sa nangyari.
Ayon naman sa isa ay lalong lumaki ang respeto niya kay Rihanna.
“She probably enjoyed being treated normally for once.”
RIHANNA HINDI NA KILALA NG YOUNGER GENERATION?
Nang mag-viral ang video ng interaction ni Rihanna sa mga football players at sa batang lalaki, may mga nagsabing hindi sila makapaniwala na hindi na kilala ng mga kabataan ngayon ang international pop star.
Komento ng isa, “The younger generation doesn’t recognize Rihanna anymore and it's all her fault.”
Ang rason ayon sa nagkomento ay dahil hindi na ito gumagawa ng kanta.
Posible umanong ang batang lalaki ay baby pa nang ilabas ni Rihanna ang huli nitong album—ang Anti, na inilunsad noong 2016.
Depensa ng isa, relevant pa rin Rihanna sa mga solid fans nito.
At mukha naman umanong masaya ito sa request ng bata.
“She doesn’t seem bothered at all and she gives the kid his moment, I respect that.”
Biro tuloy ng ibang nagkomento, tiyak na masa-shock ang bata pag malaki na ito at matutuklasan kung sino ang pinakuha niya ng photos.
Kung mayroon mang masaya na makita in person si Rihanna at nakasama pa sa photo, ito ay walang iba kundi si Grealish.
Noong 2019, inamin ng football player na celebrity crush niya si Rihanna.
Nagagandahan umano siya rito, at gusto niya ang music ng international pop star.
Read: Rihanna hits back at critics; says she doesn't want to be a role model