Pumanaw na ang sikat na American singer-songwriter na si Angela Bofill nitong nakaraang Huwebes, June 13, 2024.
Ayon sa announcement sa kanyang Facebook page, sa Valejo, California siya binawian ng buhay sa edad na 70.
Published as is, narito ang anunsiyo, na ginamit din ng People Magazine sa artikulo mito:
"ON BEHALF OF MY DEAR FRIEND ANGIE, I AM SADDENED TO ANNOUNCE HER PASSING ON THE MORNING OF JUNE 13TH. THE FUNERAL WILL BE HELD AT ST. DOMINCKS CHURCH IN VALEJO CA. ON JUNE 28TH AT 1:00pm."
Sa kasunod na anunsiyo, nilinaw ng kanyang manager na totoo at hindi hoax ang balita tungkol sa pagpanaw ng singer.
Saad dito, "JUST TO CLEAR UP THE CONFUSION. ON BEHALF OF SHAUNA BOFILL, HUSBAND CHRIS PORTUGUESE, WE ARE SADDENED BUT MUST REPORT THAT THE PASSING OF ANGELA YESTERDAY IS INDEED TRUE. WE THANK MELBA MOORE AND MAYSA FOR THEIR EARLY CONDOLENCES.
"THANKS FOR YOUR MANY POST
"RICH ENGEL friend and Manager."
FANS REACT
Marami namang fans ni Andrea ang sobrang nalungkot sa balitang ito.
Nagsimulang mag-record ng kanta si Angela noong kanyang kabataan at ang una niyang studio album ay pinamagatang Angie noong 1978.
Nasundan pa ito ng maraming album at kanta.
Ilan sa maraming sikat niyang awitin ay ang "Break It To Me Gently," "This Time I'll Be Sweeter," "You Should Know By Now," "Tonigt I Give In," "Angel of the Night," "I'm on Your Side," "Let Me Be the One," and "I Just Wanna Stop."
ANGELA BOFILL's MEMORABLE PROJECTS IN THE PHILIPPINES
Pamilyar ang mga Pinoy kay Angela, na unang nag-concert sa Manila noong 1983 sa Philippine International Convention Center (PICC). Ginawan pa siya noon ng TV special na umere sa GMA-7.
Nag-concert muli si Angela sa Pilipinas noong Pebrero 2000, at sa pagkakataong ito, sa Araneta Coliseum ang venue at kasama niya sina Kenny Rankin, ang singer ng "What Matters Most"; Rex Smith, ang singer ng "Simply Jessie" at "You Take My Breath Away"; Christopher Cross, ang singer ng "Sailing."
Nag-release din siya ng Live From Manila album noong 2006. Ito ang kauna-unahan niyang live-concert recording matapos ma-stroke noong January 10, 2006.
Read:
Mark Bautista still shy about his sex-symbol status
Jackie Lou Blanco, suportado ni Sharon Cuneta ang pagbabalik sa pagkanta