Kumpirmadong "dating" ang status ng Apink member na si Yoon Bomi, 30, at Black Eyed Pilseung producer na si Rado, 39.
Ito ang kinumpirma ng kinabibilangang talent agencies nina Bomi at Rado nitong Martes, April 23, 2024, matapos isiwalat ng South Korean website na Dispatch ang tungkol sa lihim na relasyon ng dalawang K-pop stars.
Ayon sa eksklusibong ulat Dispatch, halos walong taon nang inililihim nina Bomi at Rado sa publiko ang espesyal nilang relasyon.
Nagkakilala ang dalawa nang magkasama sila sa isang proyekto noong 2016. Ito ay nang i-release ng Apink ang third full-length album nilang Pink Revolution.
Isa sa mga nakapaloob na kanta rito ay ang "Only One," na isinulat at inareglo ng Black Eyed Pilseung, kung saan si Rado ang mismo ang nagpo-produce.
Taong 2017 nang magsimula naman daw nilang kilalanin pa ang isa't isa.
Mabilis daw nagkasundo ang dalawa dahil marami silang pagkakatulad, kabilang na rito ang pagkahilig nila sa music.
Nakausap pa ng Dispatch ang isa sa malapit na kaibigan ng dalawa, na nagpatunay kung gaano raw nagmamahalan sina Bomi at Rado.
Pahayag nito, "Rado was Yoon Bomi's most reliable supporter, and Yoon Bomi was a source of power to Rado.
"I know they promised each other a future together."
YOON BOMI AND RADO'S AGENCIES RELEASE STATEMENT
Bago pa tuluyang kuwestiyunin ang napapabalitang relasyon nina Bomi at Rado ay agad ng naglabas ng pahayag ang kinabibilangan nilang talent agencies.
Dito, kinumpirma ng dalawang ahensiya na totoong may relasyon ang dalawa, kalakip ang pakiusap na respetuhin ng fans ang desisyon ng dalawa na ilihim ang kanilang pagmamahalan.
Narito ang kabuuang pahayag ng talent agency ni Yoon Bomi na Choi Creative Lab (ayon sa English translation ng Soompi.com): "Hello. This is Choi Creative Lab.
"This is an official statement regarding our agency artist Apink’s Yoon Bomi.
"Upon confirmation with Yoon Bomi, she is maintaining a good relationship as reported in the articles.
"However, as it is the artist’s private life, we ask for your understanding in not being able to confirm any other details.
"Yoon Bomi will continue to work actively as an Apink member, actress, and all-rounder entertainer. Please show unchanging support and encouragement for Yoon Bomi. Thank you."
Maiksi naman ang naging pahayag ng Highup Entertainment, ang ahensiyang humahawak sa showbiz career ni Rado.
Anila, "Please look upon the two with warmth."
Yoon Bomi's handwritten letter
Ilang oras lamang ang lumipas matapos maglabas ng pahayag ang Choi Creative Lab at Highup Entertainment ay nag-upload din si Bomi ng handwritten letter sa Apink's fandom page.
Sa liham, personal na inamin ni Yoon Bomi sa kanyang fans ang relasyong namamagitan sa kanila ni Rado.
Kalakip nito ang paghingi ng paumanhin sa fans na nabigla sa pagkakaroon niya ng special someone, na itinago niya nang halos walong taon.
Mensahe niya (ayon sa English translation ng Papago): "Our Panda.. [Apink's fandom name]
"I'm worried that you must have been very surprised, and on the other hand, I'm worried that you might get hurt..
"First of all, I'm going to tell you all of a sudden
"I'm so sorry to the Panda who must have been surprised I want to convey my feelings to the pandas directly, so I write carefully after thinking about it!
"While working on a lot of songs together, we developed good feelings for each other, so we started dating, and we have continued to meet until now.
"I think I was able to grow into a more mature and healthy person because I was lacking and young by meeting a wise and wise person.
"Even at this moment of writing, I feel very awkward and worried!"
Dagdag pa niya: "I respect each and every one of our fans' hearts, and I think that they all lead and love me.
"We'll continue to show you good performances with honest and positive energy just like Yoon Bo Mi
"Thank you always and I love you."
Know more about Yoon Bomi and rado
Si Yoon Bomi ay kilalang miyembro ng K-pop girl group na Apink, kasama ang sina Chorong, Namjoo, at Hayoung.
Noong 2011 nang mapabilang at mag-debut siya sa grupo bilang lead vocalist.
2015 nang pasukin niya ang mundo ng acting nang mapabilang siya sa Korean drama series na Love Detective Sherlock K.
Bukod pa rito ang Because This is My First Life (2017), Farming Academy (2019), at Please Don’t Date Him (2020).
Sa ngayon ay kasama si Bomi sa hit tvN drama na Queen of Tears. Dito ay gumaganap siya bilang Na Chae Yeon, ang secretary ng female lead na si Hong Hae In (Kim Ji Won).
Habang si Rado naman ay kabilang sa powerhouse producing duo na Black Eyed Pilseung.
Sila ang nag-produce sa hit songs ng K-pop girl group na TWICE—ang "Cheer Up" at "Fabcy."