Mabilis na nakarating kay Miss Universe 2015 second runner-up Olivia Jordan ng USA ang pagtawag sa kanya ng "bruja" o witch ni Miss Universe 2015 first runner-up Ariadna Gutierrez ng Colombia.
Nitong Linggo, March 31, 2024, kumalat sa social media ang video clip ni Ariadna kung saan inilarwan niy bilang "very bad" si Olivia base sa naging karanasan ng Colombian beauty queen sa kontrobersiyal na Miss Universe 2015 pageant.
Read: Ariadna Gutierrez claims controversial comment about Pia Wurtzbach was "misunderstood"
Kuha ang video clip sa Season 4 ng reality show na La Casa De Los Famosos (House of Celebrities), na halos katulad ng Pinoy Big Brother, kunsaan kausap ni Ariadna ang mga kapwa niya housemates.
Read: Ariadna Gutierrez, tinawag na "bruja" si Olivia Jordan
Sa pamamagitan ng post sa Instagram nitong Martes, April 2, nagbigay ng reaksiyon si Olivia ukol sa negatibong komento sa kanya ni Ariadna.
Wala man siyang binanggit na pangalan, mahihinuhang para ito kay Ariadna dahil sa ginamit niyang mga salita tulad ng "witch."
Dagdag din sa kanyang post ang mga kasabihan at paalala tungkol sa pagiging mabuti sa kapwa, pagtanggap sa masamang nangyari sa nakaraan, at pagmamahal sa sarili, higit pa sa lahat.
Mababasa sa caption ni Olivia (published as is): "A lot of unexpected engagement on my page this weekend. Just want to say, thank you so much for stopping by.
"I want to share a little love and kindness meditation that has changed my life. Comment “witch” below and expect a link to a meditation straight to your inbox.
"Until then- 'May you be held in love and kindness'."
Hindi lingid sa kaalaman ng marami na isa si Olivia sa mga naging malapit na kaibigan ni Pia Wurtzbach, ang hinirang na Miss Universe 2015.
Read: Miss USA gets bashed on social media for her reaction to Miss Universe blunder
Kontrobersiyal noon ang pagkakapanalo ni Pia dahil sa pagkakamali ng host na si Steve Harvey sa pag-announce ng winner.
Inanunsiyo noon ni Steve na si Ariadna ng nanalo, subalit makalipas ang ilang minuto, bumalik sa entablado ang American TV host at nilinaw na si Pia ang totoong nanalo.
Read: Pia Wurtzbach posts photos with Ariadna Gutierrez: “The reunion you’ve all been waiting for.”
Sa makatuwid, ang Filipino delegate ang tunay na nanalong Miss Universe at first runner-up lamang si Ariadna.
Read: Pinoy fans call for Steve Harvey as Michelle Dee fails to enter Miss Universe 2023 Top 5
Inamin naman ni Steve na nagkamali siya ng pagbasa sa kanyang hawak na cue card at mabilis na humingi ng paumanhin.
Read: Steve Harvey on Miss Universe 2015 blunder: "It was four minutes of pure hell!"