Mariing itinanggi ng BIGBANG member na si G-Dragon, o Kwon Ji Yong sa totoong buhay, ang paggamit ng ilegal na droga.
Noong Miyerkules, October 25, 2023, iniulat ng news agency na News1 na inaresto ng Incheon Metropolitan Police Agency si G-Dragon dahil sa reklamong paglabag sa Act on the Control of Narcotics, Etc.
Read: BIGBANG's G-Dragon booked for alleged drug use
Pero paglilinaw naman ng pulisya, inaresto nila ang K-pop star ngunit hindi ito na-detain.
Wala rin daw kaugnayan ang pagkakaaresto kay G-Dragon sa Parasite actor na si Lee Sun Gyun, na kasalukuyan ding iniimbestigahan dahil sa drug use.
Read: ‘Parasite’ actor Lee Sun Gyun under investigation for suspected drug use; agency reacts
Ang akusasyong gumagamit siya ng illegal drugs ay agad ding pinabulaanan ni G-Dragon.
Sa inilabas na statement ng abogado niyang si Kim Su Hyun mula sa law firm na K1 Chamber, ngayong Biyernes, October 27, ipinaabot nito sa publiko ang panig ng 35-year-old K-pop star na nagsasabing walang katotohanan ang ibinibintang dito.
Gayunpaman, handa raw si G-Dragon na makipagtulungan sa imbestigasyon ng awtoridad para malinis ang kanyang pangalan.
Mababasa sa pahayag ni Kim Su Hyun (base sa English translation ng Allkpop):
"In response to news that has been indiscriminately spreading in the media recently, which is not based on facts, we would like to convey G-Dragon's position as follows:
"I am Kwon Ji Yong. First of all, I have not used drugs.
"Furthermore, I would like to clarify that the recent news reports about 'violation of drug control laws' have nothing to do with me.
"However, I am aware that many people are concerned, so I will actively cooperate with the investigative agencies and earnestly comply with the investigation."
Read: BLACKPINK’s Jennie, BIGBANG’s G-Dragon are dating “for about a year now”—report
Bukod sa pagiging singer ay kilala rin si G-Dragon bilang fashion icon sa South Korea.
Read: Sandara Park receives personalized sneakers from G-Dragon