Nag-react ang Tsingtao, second largest brewer sa China, kasunod ng pag-viral ng isang video ng diumano'y empleyado nila na umiihi sa tangke ng pagawaan nila ng beer.
Milyun-milyong views ang nakuha ng video kung saan isang lalaking suot ang uniform ng kumpanya ay umakyat sa mataas na bahagi ng tangke, at saka niya ito inihian.
Ang tangke ay naglalaman ng raw ingredients sa paggawa ng beer.
Ang video ay in-upload noong nakaraang Huwebes, October 19, 2023.
Read: Man proven innocent & freed after 16 years, fatally shot in brawl with police for overspeeding
Nitong Lunes, October 23, hiningi ng Tsingtao sa mga awtoridad na imbestigahan ang insidente.
Sabi ng kumpanya, ini-report na nila ang nangyari “at the first opportunity.”
Ipinag-utos din daw nitong i-seal ang malt o ang ingredient mula sa inihiang tangke.
Sabi sa statement: “The company places high importance on the media reports and has reported the matter to the public security authorities at the first opportunity. The public security authorities are presently involved in the investigation.”
Read: Why Victory Liner’s high-end sleeper bus is fully booked even before its launch
Sinabi rin ng kumpanya na patuloy pa rin ang operasyon nito.
“At present, the production and operation of the company are normal in every respect!” ayon sa statement.
Pero hindi kinumpirma ng kung empleyado ng beer company ang lalaking naka-uniform.
Samu’t saring reaksiyon ang natanggap ng viral video.
Marami ang nadismaya sa kanilang napanood, habang sinabi naman ng supporters ng beer brand na pa-imbestigahang mabuti ang insidente.