TRIGGER WARNING: SUICIDE, BULLYING
Pumanaw na ang Korean YouTuber na si Pyo Ye Rim nitong Martes, October 10, 2023.
Siya ay 28.
Ayon sa ulat ng Korean news portal na Allkpop, 12:57 ng hapon KST (Korean standard time) nang makatanggap ang Busan Police Station and Fire Department ng report tungkol sa isang babaeng nahulog sa Seongjigok Reservoir.
Kinilala ang babae na si Pyo Ye Rim.
Agad rumesponde ang awtoridad at naidala si Pyo Ye Rim sa ospital pasado 4:20 ng hapon.
Ngunit sa kasamang-palad, binawian din ng buhay si Pyo Ye Rim sa ospital dahil umano sa cardiac arrest.
Si Pyo Ye Rim ay kilalang content creator sa South Korea na may 33.7K subscribers sa YouTube.
Samantala, habang isinusulat ang artikulong ito ay wala pang malinaw na motibo sa pagkakahulog ni Pyo Ye Rim sa Seongjigok Reservoir, ang sikat na tourist spot sa Busan, South Korea.
Ngunit ilang netizens ang naghihinalang nag-suicide umano ang YouTuber dahil tila nagpahiwatig daw ito sa isa sa kanyang YouTube vlogs, kung saan ibinahagi ni Pyo Ye Rim na may isang YouTuber na pinaparatangan siyang sinungaling.
May kaugnayan ito sa pagsasapubliko ni Pyo Ye Rim noong April 2023, na biktima siya ng bullying noong siya ay nasa elementary at high school.
Saad niya sa kanyang vlog (as translated in English), "I am one of the people who suffered from school violence in elementary, middle, and high schools for 12 years.
“One YouTube channel has been targetting me, and I've suffered multiple personal attacks by anonymous people.
“Furthermore, they're saying my claims of school violence are false.
“I'm no longer confident enough to endure and overcome this pain.
“There's nothing left to make me go on in life. Please don't give up on my case."
Ayon kay Pyo Ye Rim, matindi ang kanyang kalbaryo sa kamay ng mga bully sa kanilang paaralan noon dahil bukod sa masasakit na salitang natatanggap niya ay nagagawa pa siyang saktan physically.
Dahil lumaki siya sa isang maliit na probinsiya, pare-pareho ang naging kaklase niya mula elementarya hanggang high school na naging dahilan para magpatuloy ang pambu-bully sa kanya sa loob ng labindalawang taon.
Sinabi ni Pyo Ye Rim na na-bully siya dahil sa pagiging tahimik na estudyante.
Nagagawa raw siyang saktan ng mga nambu-bully sa kanya kahit sa harapan ng teacher.
"In one incident, Pyo was called out by one of the four and began getting beaten during the class. A teacher was there, but didn't say anything," sabi ng isa sa mga classmate ni Pyo Ye Rim sa isang YouTube stream.
Nang tanungin kung bakit hindi siya humingi ng tulong sa teachers, sinabi ni Pyo Ye Rim na sumuko na siya dahil sa isang masamang karanasan noon.
Sabi niya, "I told one teacher that I had been bullied. It took me great courage to open up. But all I received was questions which made me feel like it was my fault."
Read: GONE TOO SOON: Moonbin, Sulli, Jonghyun, other Korean stars who died before their 30s