Hanggang ngayon ay nagdadalamhati pa rin ang mga kaanak, kaibigan, fans, at mahal sa buhay ng Hong Kong-born American singer na si Coco Lee.
Noong July 5, 2023, pumanaw si Coco makalipas lamang ang tatlong araw matapos niyang magtangkang magpakamatay.
Ayon sa pahayag ng dalawang kapatid niyang sina Nancy at Carol, noong July 2 nang tangkain ni Coco na mag-suicide.
Nasugod pa raw ito sa pinakamalapit na ospital ngunit na-comatose hanggang sa tuluyan na siyang bawian ng buhay.
Read: "Before I Fall In Love" singer Coco Lee dies at 48
Ngunit bukod sa depresyon ay may isa pa palang sakit na ininda si Coco bago siya pumanaw na hindi naisapubliko ng kanyang mga kapatid sa nauna nilang post.
Sa Instagram post ng kaibigan niyang songwriter-producer na si Jae Chong, ibinunyag nitong nagkaroon ng breast cancer si Coco.
Minabuti raw ni Coco na isikreto ito dahil ayaw niyang mag-alala pa ang kanyang pamilya at fans.
Kalakip din ng post ni Jae Chong ang masasayang litrato at video nila ni Coco noong ito ay nabubuhay pa.
Mababasa sa caption ng post ni Jae Chong, "I’m utterly broken to hear the news about Coco. She has been one of my closest friends and has been responsible for my career.
"I remember when she told me about her illness few months ago I sat in my car crying nonstop.
"She was suffering from so many different things including secretly battling cancer. She was a true fighter. She didn’t want her fans and family to worry."
Dalangin ni Jae Chong na kung saan man naroroon ngayon si Coco ay masaya at panatag na ito.
Aniya, "I pray that she is in heaven where there is no more pain.
"Melody and Coco had a bond that was so strong and she is here crying with me.
"The last few video clips are from the last moments we spent with her.
"We love you Coco! We will never forget you! We will continue your legacy! [red heart emoji] R.I.P. @cocolee."
Si Coco, na ipinanganak bilang Ferren Lee, ay pumasok sa music scene sa edad na 19 noong 1994 sa pamamagitan ng kanyang debut album na ini-release sa Taiwan.
Noong late '90s ay na-penetrate niya ang American music scene.
Dahil sa kanyang malawak na vocal range, na umaabot umano sa three octaves, nakilala siya bilang "Mariah Carey of Asia."
Kabilang sa mga pinasikat niyang kanta ay ang "Before I Fall In Love," na mula sa soundtrack ng Hollywood movie na Runaway Bride (1999); "A Love Before Time," na kasama naman sa soundtrack ng Crouching Tiger, Hidden Dragon (2000); at ang kanyang sariling version ng "Reflection" na mula sa animated film na Mulan.
Noong 2016 ay nanalo siya sa fourth season ng Chinese reality show na I Am Singer.
Para sa mga nangangailangan ng kausap at tulong dahil sa kanilang mental health issues, tumawag lamang sa National Center for Mental Health Crisis Hotline: 1553, Landline (02) 7-989-8727 at cellphone number 0966-351-4518.