Sumakabilang-buhay si Ivana Trump, ang unang asawa ni former U.S. President Donald Trump, noong Huwebes, July 14, 2022 (Biyernes ng umaga July 14, sa Pilipinas).
Siya ay 73.
Ang dating pangulo ng Amerika ang nag-anunsiyo sa Truth Social, ang social media platform na pag-aari niya, tungkol sa pagpanaw ng kanyang dating asawa.
"I am very saddened to inform all of those that loved her, of which there are many, that Ivana Trump has passed away at her home in New York City.
"She was a wonderful, beautiful, and amazing woman, who led a great and inspirational life.
"Her pride and joy were her three children, Donald Jr., Ivanka, and Eric. She was so proud of them, as we were all so proud of her.
"Rest In Peace, Ivana!" opisyal na pahayag ni Trump tungkol sa pagkamatay ng dating asaws.
Naglabas din ng official statement ang naulilang pamilya ni Ivana.
Anila, “Ivana Trump was a survivor. She fled from communism and embraced this country. She taught her children about grit and toughness, compassion and determination.
“She will be dearly missed by her mother, her three children and ten grandchildren.”
Labis ang pagdadalamhati ni Ivanka, ang nag-iisang anak na babae nina Ivana at Donald, tungkol sa pagkawala ng kanyang ina.
Inihayag niya ang nararamdaman sa pamamagitan ng Instagram post.
Saad ni Ivanka: “Heartbroken by the passing of my mother. Mom was brilliant, charming, passionate and wickedly funny.
"She modeled strength, tenacity and determination in her every action. She lived life to the fullest — never forgoing an opportunity to laugh and dance.
“I will miss her forever and will keep her memory alive in our hearts always.”
Kinumpirma ng tagapagsalita ng New York Police Department na nakatanggap sila ng tawag sa 911 noong Huwebes.
Nang dumating sila sa tahanan ni Ivana, natagpuan itong walang malay at unresponsive sa bottom ng staircase.
Hinihinalang atake sa puso ang ikinamatay ni Ivana pero nag-iimbestiga pa rin ang Office of Chief Medical Examiner ng New York City tungkol sa tunay na dahilan ng pagpanaw niya.
Isinilang si Ivana — Ivana Marie Zelnícková — sa Gottwaldov (Zlín na ngayon), Czechoslovakia noong February 20, 1949.
Isang mahusay na skier si Ivana noong bata pa ito. Nagtrabaho siya bilang ski instructor nang magdalaga.
Lumipat siya sa Canada bago nagsimula ang kanyang modelling career noong dekada '70.
Mula 1976, nanirahan si Ivana sa New York at dito niya nakilala si Trump na isang aspiring real state mogul noon.
Nagpakasal sina Ivana at Trump noong 1977 pero makalipas ang labinlimang taon, naghiwalay ang dalawa noong 1992 dahil nakipagrelasyon sa ibang babae ang dating pangulo.