Pinuri ni KC Concepcion ang kanyang stepdad na si Senator Francis “Kiko” Pangilinan sa pagiging mabuting lider at pulitiko.
Sa kanyang Instagram post ngayong Lunes, March 21, pinasalamatan ni KC ang mga supporters ng kanyang stepfather, na nangunguna sa senatorial race, ayon sa latest survey ng isang poll body, ang Pulse Asia.
Sa nasabing survey na isinagawa mula March 1-6, nakakuha ng 53 percent si Kiko at nasa top spot.
Papuri ni KC sa kanyang stepdad sa pamamagitan ng Instagram, “I have always seen his heart for public service & so admire his sincerity towards his work—a quality which is frankly quite rare in this country.
“Maraming salamat po mula sa aming pamilya!”
Samantala, nagpasalamat naman si Kiko kay KC, na tinawag pa niyang “my eldest, big baby girl.”
Sa survey naman, sumunod kay Kiko sina Sen. Vicente “Tito” Sotto (48.9 percent), Sen. Franklin Drilon (45.5 percent), former Sen. Panfilo “Ping” Lacson (45.1 percent), at Sen. Ralph Recto (42.5 percent).
Pasok din sa Top 14 sina Migz Zubiri (36.5 percent), Sergio Osmeña III (36.4 percent), Dick Gordon (34.8 percent), Risa Hontiveros (33.3 percent), Manny Pacquiao (32.7 percent), Leila de Lima (32.1 percent), Joel Villanueva (28 percent), TG Guingona (26.3 percent), at Win Gatchalian (25.6 percent).