Sinabi ni Bimby Aquino Yap na hindi siya apektado sa bashers dahil hindi siya kayang saktan ng mga ito gaya ng sakit na idinulot sa kanya ng isang taong hindi niya pinangalanan.
Si Bimby ay ang 11-anyos na anak ni Kris Aquino sa dating asawang si James Yap.
Sa latest social media video na in-upload ni Kris na may titulong Unscripted with Kris, nagsilbing host si Bimby at interviewee si Kris.
In-upload ang video nitong Labor Day, May 1.
Sa dulo ng video, tinanong ng TV host-actress ang kanyang anak kung ano ang ginawa niyang tama bilang ina kina Bimby at Josh.
“Everything,” sagot ni Bimby.
Dagdag ni Kris sa anak, "How is it you turned out not spoiled? You turned out nice to people. You turned out polite?"
Sagot ni Bimby, "Because all the trauma, you told me, ‘Bimb, don’t give up.’"
Sundot pa ni Kris kay Bimby, “How come when I get affected by bashers and I get affected by the negativity, why are you able to tell me, ‘Mama, why do you care?’”
Sagot ni Bimby, “Yeah, because I don’t care.”
Tanong ni Kris, “Where does it come from?” tanong ni Kris.
Tugon ng kanyang anak, “Me, myself, and I.”
“Because?” tanong ng ina.
Sagot ni Bimby, “Because you know who manipulated me.
"And the most affective basher, I channeled all of it out on him.
“So, I don’t really care anymore about those others because I know they can’t hurt me as much as he hurt me.”
Sa video mapapanood na saglit hindi nakapagsalita si Kris, sabay dagdag, “I don’t know if I should have asked that but I did. And you got an answer.”
Follow-up na tanong pa ni Kris, “Why are you more mature than me?”
“Because you’re a baby,” sagot ni Bimby sa kanyang ina.
Noong 2017, nakaranas ng pamba-bash ang anak ni Kris at kinukuwestiyon ang sekswalidad nito.