Hindi inasahan ni Sandra Lemonon na magiging positibo ang reaksiyon ng publiko pagkatapos ng kanyang naging sagot sa question-and-answer portion ng Binibining Pilipinas 2018.
Nang tanungin tungkol sa "Build, Build, Build" program ng kasalukuyang pamahalaan, nagpakatotoo si Sandra at sinabing wala siyang alam tungkol dito.
Sa panayam sa kanya ng ABS-CBN entertainment reporter na si Mario Dumaual, sinabi ng Filipino-French beauty ang saloobin sa magandang pagtanggap sa kanya ng publiko.
Saad ni Sandra, “I was terrified, I really thought that I was not gonna be at all appreciated and loved for what I did that night.
“I was really, really scared for being honest, but I’m so happy…
"Thank you so much for supporting me and to send me all your messages and taking your time to talk to me, it really, really, really means a lot to me."
Bbpilipinas18 Sandra lemonon finally emerges from 2days hiding after controversial #buildbuildbuild question n answer portion @abscbnnews pic.twitter.com/ACPFi3FpgQ
— Mario Dumaual (@mariovdumaual) March 20, 2018
BFFs. Samantala, nagbigay naman ng shoutout si Miss Universe-Philippines 2018 Catriona Gray kay Sandra via Instagram.
Sa kanyang post noong Lunes ng gabi, March 19, nagpasalamat si Catriona sa lahat ng tumulong sa kanya sa kanyang pagkapanalo.
Dagdag niya, “Special shout out to my sister @sandralemonon who kept me sane throughout.”
Lingid sa kaalaman ng marami, sina Catriona at Sandra ay best friends sa totoong buhay.
Mapapansin ito sa mga post ng magkaibigan sa social media.
Nang hindi masagot ni Sandra ang tanong sa Q&A ng Binibining Pilipinas 2018, mapapanood na si Catriona ang una nitong nilapitan at kaagad silang naghawak ng kamay.
Batchmates din sina Catriona at Sandra sa Miss World Philippines 2016 pageant, kung saan si Catriona ang nakakuha ng korona habang si Sandra naman ay 4th runner-up.