Espesyal ang nakaraang Pasko para kay Luis Manzano.
Bukod sa nakasama niya ang girlfriend na si Jessy Mendiola, nakasama rin nila ang kanyang mga magulang na sina Batangas Representative Vilma Santos at Edu Manzano, at ang pamilya ng nobya, kabilang na ang ina nitong si Didith Garvida.
Maituturing daw ito ni Luis na isa sa pinaka-espesyal na regalong natanggap niya ngayong Pasko.
Sabi ng TV host-actor sa kanyang Instagram post kahapon, December 26: “One of the best gifts i received this Christmas is being able to take a step back and be thankful to be part of these families.
"So many good things may come my way but these people are the biggest blessings i can ever receive! :) Merry Christmas from all our families!!”
Sinamahan ito ni Luis ng mga larawang kuha nila ni Jessy kasama ang kani-kanilang pamilya noong Pasko.