Nagkomento si James Reid tungkol sa akusasyon ng isang blogger na pinagsalitaan daw ng masama ng kaibigan niyang si Ivan Dorschner ang girlfriend ng una na si Nadine Lustre.
Ito ay ayon sa blogger na nagngangalang Dee Alfonso, base sa Instagram videos nitong kumalat sa social media.
Ayon kay Alfonso, narinig niyang sinabi ni Ivan na “controlling b*itch of a girlfriend” si Nadine.
Sa launching ng kanyang bagong endorsement na Fujifilm X-E3 camera sa Dulo MNL, Makati City, kahapon, November 9, inusisa ng PEP.ph (Philippine Entertainment Portal) si James tungkol dito.
Tugon ng 24-year-old Kapamilya star, “Oh, well, I think we should not listen and believe any random bloggers.”
Aware ba siya sa ipinakalat na tsismis galing diumano sa kaibigan niyang si Ivan?
“No. I’m just saying we shouldn’t believe random bloggers,” sagot ni James.
Nagkakausap pa rin ba sila ni Ivan kahit nasa GMA Network na ito?
“Yeah, he’s my friend. We’re pretty close, he’s one of my good friends.”
Samantala, okay naman daw ngayon ang girlfriend na si Nadine na kamakailan lamang ay namatayan ng kapatid.
“She’s doing better,” sabi ni James.