Idinaan ni Kris Aquino sa biro ang pagiging “summa cum laude” niya pagdating sa “kurso ng how to get over an ex.”
Kaugnay ito ng kanyang Instagram post, kung saan inamin niyang mayroon siyang ex-boyfriend na madalas niyang nakakasamang magkape.
Pahayag ni Kris sa kanyang caption, “A friend sent this to me & i couldn’t stop giggling...
“super relate because minsan umasa rin ako ng dahil sa Starbucks invitation...
“But NATUTO NA KO ng bonggang bongga.”
Ayon sa 46-year-old TV host-actress, bumili na siya ng sarili niyang Nespresso machines para “at home akong nagtitimpla w/ no expectations except just to enjoy the moment. #truth”
Dagdag ni Kris, “P.S. Kaya please wag nang mag lecture about an 'unfaithful boyfriend?' Honestly, summa cum laude na po ako sa kurso ng How To Get Over an EX.”
Ang huling ex-boyfriend ni Kris ay si Quezon City Mayor Herbert Bautista, na ilang beses ding nakasamang magkape ng TV host-actress noong panahong naging sila.
Sa kanyang blog post noong February 2015, idinetalye ni Kris na “first Friday of April” ng 2014 nag-propose sa kanya si Mayor Herbert.
Ngunit pagkalipas ng ilang araw, matapos isapubliko ni Kris ang kanilang pagkakamabutihan, ay agad din umanong nakipaghiwalay sa kanya ang alkalde.
Nabanggit din ni Kris na isa sa mga masasakit niyang alaala ay ang kanilang coffee dates.
Aniya, “We went to two Starbucks with drive through windows, and I’ve also never gone back to those places.”